Foto: Habar24
Is Medeý aýdanynyń №2 aýdandyq sotynda qaraldy.
Almaty qalalyq sotynyń baspasóz qyzmetinen habarlaǵandaı, 2019-2023 jyldar aralyǵynda gımnazııalardyń biriniń bas býhgalteri oqý ornynyń banktik shottaryna qol jetkize otyryp, Internet-bankıng arqyly óziniń jeke shotyna jáne taǵy basqa adamnyń shotyna aqsha aýdarǵan.
Keltirilgen materıaldyq shyǵynnyń jalpy somasy shamamen 23 mıllıon teńgeni qurady.
Sottalýshy sotta óz kinásin tolyq moıyndap, bas bostandyǵynan aıyrýdan basqa jaza taǵaıyndaýdy surady.
«Sot sottalýshynyń kinásin moıyndaǵany, kýálardyń aıǵaqtary, sarapshylardyń qorytyndylary negizinde kináli dep tanyp, 7 jylǵa bas bostandyǵynan aıyrdy», delingen habarlamada.
Úkim zańdy kúshine engen joq.
