О́nerkásiptiń qozǵaýshy kúshi

Kezdesýdiń basty taqy­ryby – «Elimizdegi metal­lýrgııalyq ká­sip­­oryndardy ǵylymı-tehno­lo­gııa­lyq damytý». Sarapshylar arnaıy qu­rylǵan toptarda jumys isteı otyryp, birneshe tehnologııalyq usynys ázirledi.

Ǵylym jáne joǵary bilim vıse-mınıstri Darhan Ahmed-Zakıdiń aıtýynsha, hakaton – elimizdegi ǵylymdy kommersııalandyrýdyń ınnovasııalyq formaty.

«Búgingi tańda bizdiń aldymyzda irgeli zertteýlerdi damy­tý ǵana emes, sonymen qatar ǵy­lymı ázirlemelerdi óndiriske bel­sendi engizý mindeti tur. Haka­ton – ǵalymdar men óner­kásipshiler úshin naqty teh­no­logııalyq qıyndyqtardy she­shý­de kúsh biriktirýdiń jaqsy múm­kindigi. Mundaı ınnova­sııa­lyq for­mattar eldegi ǵylym men teh­nologııalyq úderistiń tabysty kommersııalanýynyń negizi. Teh­­nologııalyq syn-qa­ter­lerdi she­shýde ǵalymdar men óner­kásipshilerdiń kúsh-jigerin birik­tirýdiń mańyzy joǵary», dedi ol.

Elimizdegi «ERG» bas dı­rek­­­to­ry­nyń orynbasary Iohen Berbner hakatonnyń ǵylymı-tehnologııalyq damý kar­tasyn qalyptastyrýǵa jáne otandyq ázirlemelerge negiz­del­gen she­shim­derdi ázirleýge kómek­te­se­tinin ­atap ótti. Ǵalymdar men ón­dirýshi­ler jer qyrtysy­nyń te­re­ńinde jat­qan Kóktal bok­sı­tiniń sıpattama­syn, olardy ón­dirý ádisterin, alıý­mınıı rýda­syn­daǵy joǵary ylǵaldy­lyq má­se­lelerin, boksıtterdi qaı­ta óń­deýdiń ınnovasııalyq teh­no­lo­gııalaryn jáne alıýmınıı­diń sa­pasyn jaqsartý joldaryn zert­tedi. Sondaı-aq alıýmınıı za­ýyttarynyń jabdyqtaryn jań­­ǵyrtý, alıýmınıı óndirisiniń qal­­dyqtaryn qaıta óńdeý jáne Pav­lodar alıýmınıı zaýytynyń ónim­derinen gallıı men skandııdi tıimdi alý máseleleri talqylandy.