Foto: World nomad games 2024|t.me
Búgin kókpardan Qazaqstan ulttyq quramasy saǵat 11.00-de Reseı komandasymen kezdesip, fınalǵa joldamany sarapqa salady. Jarys «Qazanat» ıppodromynda ótedi.
Ippodromda saǵat 15.00-de kók bórúden jartylaı fınaldyq básekeler bastalady. Qazaqstan men Túrkııa, Qyrǵyzstan men Reseı quramasy ózara myqtyny anyqtaıdy.
Al ıppodrom mańyndaǵy etnoaýylda saǵat 9.00-de jamby atý sportynyń jamby stılinen jerlesterimiz júldege talasady. Qazaqstan quramasy sapynda Aıtbek Sarybaı, Eralhan Aıkóz, Batyr Beksaýyt, Abzal Týlybekov mergender arasynda top jarý úshin kúsh salady.
Etnoaýylda saǵat 10.00-de powerful nomad sportynan absolıýtti salmaq dárejesinde Azamat Maqulbekov synǵa túsedi. Fınal 16.00-de ótedi.
«Arǵymaq» at-sport kesheninde saǵat 10.00-de dástúrli sadaq atýdan úshinshi jarys kúni «Jamby» nysanasy boıynsha irkteý syny bastalady. Qazaqstan quramasy sapynan 10 sportshy qatysady. Áıelder: Dınara Jaqsylyqova, Farıza Sabyrjan, Aıkórkem Batıhan jáne Ajar Tóleýqanova. Erler: Erbol Tapenov, Baqbergen Sálimov, Qasymhan Qanat, Marat Beksultan, Maqsat Ábdikerimov jáne Jánibek Qulmyrzaev.
Jaqsylyq Úshkempirov atyndaǵy Jekpe-jek saraıynda saǵat 10.00-de qyrǵyzdyń ulttyq belbeý kúresi alyshtan erler men áıelderdiń árqaısy 6 salmaq dárejesinde synǵa túsedi. El namysyn erler arasynda Qalmuhan Turmahanbet (60 keli), Nurjan Sarsenǵalıev (70 keli), Ádilet Jańbyrshy (80 keli), Birjan Shaımerden (90 keli), Bekbol Nurlanuly (100 keli), Nurdaýlet Jarylǵapov (+100 keli) qorǵaıdy. Al áıelder arasynda Nazerke Ábiltaeva (55 keli), Araılym Rakısh (60 keli), Aınur Aqjigitova (65 keli), Asyljan Orynbasarova (70 keli), Perızat Nurlanqyzy (75 keli) jáne Araılym Orazbaı (+75 keli) synǵa túsedi.
Búgin «Alaý» muz saraıynda saǵat 10.00-de arqan tartystan irikteý syny bastalady. Erler arasyndaǵy synǵa Qazaqstan, Reseı, Qyrǵyzstan, О́zbekstan, Pákistan jáne Anglııa quramasynan 87 sportshy kúsh synaıdy. Ár quramadaǵy sportshylardyń salmaǵynyń qosyndysy 720 keliden asyp ketpeý kerek. Al áıelder arasynda (560 keli) 4 qurama tirkeldi. Olar, Qazaqstan, Reseı, Qyrǵyzstan jáne О́zbekstan. Al júldeli oryndar saǵat 17.30-da sarapqa salynady. Ulttyq qurama sapynda Ermek Japıshev, Azamat Ýalıev, Dinıslam Shakırtov, Rýslan Jambýlov, Damır Baıgonov, Stanıslav Penıaev, Artem Sýpanev, Daýren Sharıpov, Tımýr Endoıanov, Almas Júnis bar. Áıelder quramasy: Aıgerim Jumanova, Aıjan Beısebaeva, Ańsaǵan Shaıahmetova, Razııa Musabaeva, Alııa Shakırova, Aınur Súıindikova, Nursáýle Rahmatýllına, Madına Shyńǵysbaeva, Aqjan Qaıyrbaeva, Aınagúl Baıjigitova qurama sapyn tolyqtyrǵan.
«Alaý» muz saraıynda saǵat 10.00-de asyq atý men bes asyqtan fınaldyq syn bastalady. Asyq atýdan erler quramasy Qyrǵyzstan quramasyna qarsy oınaıdy. Bes asyq saıysynda Qazaqstan áıelder quramasy Reseıge qarsy óner kórsetedi. Asyq atýdan el namysyn Nýrkıssa Moljigitov, Jomart Nurlanov, Kerim Jazdyqbaı, Amandos Aıtkulov, bes asyqtan Perızat Elemes, Kamıla Danııarova, Sanııa Ásker jáne Kógershin Dýman qorǵaıdy.
«Dýman» qonaq úıi jáne sport kesheninde toǵyzqumalaqtan fınaldyq oıyndar ótedi. Toǵyzqumalaqtan ulttyq qurama sapynda Beksultan Bostandyqov, Ersultan Áýelbaı, Móldir Serikqyzy jáne Qojanasyr Ańsaǵan óner kórsetip jatyr.
