Jıynǵa arnaıy qatysqan Halyqaralyq eńbek uıymynyń basshysy Jılber Ýngbo aıtýly oqıǵanyń mańyzdylyǵyn atap ótip, Qordyń qarapaıym jumysshylarǵa áleýmettik baǵytta jasap jatqan jumystaryna oń baǵa berdi.
«Paryz» ben «Samuryq-Qazyna» qory arasyndaǵy mańyzdy memorandýmǵa qol qoıylý rásimine kýá boldyq. Bul kelisim – jumys berýshilerdiń eldiń áleýmettik-ekonomıkalyq damýyndaǵy rólin kúsheıtýge negiz bolady. Al túıtkildi máselelerdi áleýmettik suhbat arqyly sheshýge bolady», dep atap ótti Jılber Ýngbo.
Jumabek Janyqulov konfederasııaǵa qoldaý bildirgen «Samuryq-Qazyna» AQ basqarma tóraǵasy Nurlan Jaqypov bastaǵan Qor basshylyǵyna alǵysyn jetkizdi.
Ǵıbrat Aýǵanov búginde qordyń kompanııalar tobynda 250 myńnan astam adam qyzmet etse, olardyń 230 myńy óndiris salasynyń jumysshylary ekenin atap ótti. Qordyń korporatıvtik basqarý mehanızmi úzdik halyqaralyq tájirıbelerge, onyń ishinde Ekonomıkalyq yntymaqtastyq jáne damý uıymynyń qaǵıdalaryna, Ulybrıtanııa kodeksiniń erejelerine saı keledi.
Basqarýshy dırektor Qordyń kadrlyq saıasatynyń negizgi basymdyǵy qyzmetkerler jáne olardyń áleýetin arttyrý ekenine aıryqsha toqtaldy. Qorǵa qarasty kompanııalardyń bárinde jumysqa adam irikteý isi tolyqtaı avtomattandyrylǵan jáne «Qsamruk.kz» ortalyqtandyrylǵan platformasy arqyly júzege asyrylady. Munda 550-den astam kompanııa, 247 myńnan astam izdenýshi tirkelgen bolsa, saıtta barlyǵy 50 myńnan astam bos jumys orny jarııalanǵan.
«Samuryq-Qazyna» tobynda basqarýshy jáne atqarýshy organdar quramyndaǵy áıelderdiń úlesin arttyrý baǵytynda da jan-jaqty jumys júrgizilip jatyr. Qazirgi tańda Qor tobynyń joǵary basshylyǵynda áıelder úlesi 17 paıyzdy qurasa, bul kórsetkishti 2030 jylǵa qaraı 30 paıyzǵa deıin arttyrý mejesi bar.
«Biz jastardy qoldaýǵa da erekshe kóńil bólemiz. Búginde «Samuryq-Qazyna» kompanııalar tobynda 84 myńnan astam jas maman jumys isteıdi. 2022 jyldan beri Qordyń bastamasymen 18 óńirde 216 jastar keńesi quryldy. Jas mamandar «Taza Qazaqstan» ekologııalyq aksııasy aıasynda sý tasqynynyń saldarlaryn joıý jumystaryna belsendi qatysty. Prezıdent bastamasymen qolǵa alynǵan bul jumys áli de jalǵasyn tabady. Jas mamandarǵa arnalǵan «Jeti qadam» arnaıy kóshbasshylyq baǵdarlamasy iske qosyldy. Onyń qatysýshylary kásiporyndar qyzmetin jaqsartý boıynsha tyń bastamalar kóterip júr», dep atap ótti Qordyń basqarýshy dırektory.
«Samuryq-Qazyna» qorynda áleýmettik saıasatty júrgizý aıasynda jumysshylarmen ádil suhbat qurý jolǵa qoıylǵan. Jylyna eki márte 250 myń qyzmetker arasynda «Samruk Research Services» áleýmettik zertteýi júrgizilip, jumysshylardyń esendigi, olardy alańdatatyn máseleler zertteledi. Sondaı-aq jumysshylardyń Qorǵa ózin mazalaıtyn suraq boıynsha tikeleı habarlasýyna múmkindik beretin keri baılanys bar.
О́ndiristik qaýipsizdik salasynda da ilkimdi ister jeterlik. Bıyl Qor О́ndiristik qaýipsizdikti basqarýdyń 2028 jylǵa deıingi damý strategııasyn bekitti. Bul qujatta zańnama talaptary men úzdik álemdik tájirıbeler qamtylǵan. Kompanııalar toby 2022 jyly «Vision Zero» álemdik tujyrymdamasyna qosylyp, qazir onyń 7 altyn erejesi engizilip jatyr.
Sońǵy 3 jylda Qordyń eńbekti qorǵaýdy basqarý júıesinde kóptegen jumys atqarylyp, bul jaraqattaný kórsetkishteriniń tómendeýine ákeldi. 2021 jylmen salystyrǵanda 2023 jyly jaraqat alǵandardyń sany 10%-ǵa azaıdy. Adam ólimine soqtyrǵan qaıǵyly oqıǵalar sany 22%-ǵa tómendedi.
Prezıdent Qasym-Jomart Toqaev Qazaqstan halqyna arnaǵan Joldaýynda kelesi 2025 jyldy «Jumysshy mamandyqtar jyly» dep jarııalady. «Samuryq-Qazyna» kompanııalar toby memorandým aıasynda konfederasııamen birlese otyryp, osy baǵyttaǵy jumysty kúsheıtetin bolady.
