Kókshelik stýdenttermen kezdesti

Mınıstrlik basshysymen kezdesýge Sh.Ýálıhanov Kókshetaý memlekettik ýnıversıteti­niń, A.Myrzahmetov atyndaǵy Kókshetaý ýnıversıtettiń, M.Ǵab­dýllın atyndaǵy azamattyq qor­ǵaý akademııasynyń, Gý­ma­nı­tarlyq-tehnıkalyq aka­de­mııanyń stýdentteri qatysty. Basty taqyryp beıbit atom tóńireginde boldy. Bolashaqtyń jaıyn baǵamdaǵan kezdesý ba­rysynda mınıstr atom ener­getıkasynyń elimiz úshin qanshalyqty mańyzdy ekenine tereńirek toqtalyp, damýy men qa­ýipsizdigi tóńireginde oı tolǵady. Mınıstr elimizde elektr energııasyn óndirýdiń negiz­gi úlesin, jalpy ónimniń 66 pa­ıyzyn qamtamasyz etetin kómir stansalary quraıtynyn, jańartylǵan energııa óndirý úlesi shamamen 6 paıyz ekenin aıtyp ótti. Elektr energııasyn paıdalaný kólemi bir orynda turmaıtyny belgili. 2035 jylǵa qaraı tutyný kólemi saǵatyna 152,4 mlrd kVt quraýy múmkin. Bul rette qazir jumys istep tur­ǵan energııa kózderin óndirý bir­qatar obektıvti sebepke baılanysty tómendeıdi. Osyǵan baılanysty 2035 jylǵa qaraı jalpy qýaty 26,5 GVt bolatyn jańa generasııalaýshy qýattardy iske qosý qajettigi týyndaıdy.

Qazir búkil álem kómirtegine bet buryp jatyr. Sondyqtan halyqaralyq qarjy ınstıtýttary kómir elektr stansalarynyń qurylysyna ınvestısııa salýǵa qushtar emes. Qazaqstan elimizdegi gaz resýrstarynyń birshama shekteýli bolýyna baılanysty gaz generasııasyn keńinen engizý­di júzege asyra almaıdy. Demek jańartylǵan energııa kóz­deri­niń jumysyn boljaý qıyn. AES qu­rylysy toqtap turǵan qýat­tar­dy almastyrýdyń jáne ener­getı­kalyq táýelsizdikti qamta­ma­syz etýdiń birden-bir durys sheshimi bolmaq degen pikir aıtyldy.

Mınıstr stýdentterge ıadro­lyq reaktorlardy paıdalanýdyń álemdik tájirıbesi, qaýipsizdikti qamtamasyz etýdiń zamanaýı sharalary týraly keńinen taratyp aıtyp berdi. Ashyq pikir almasýǵa jastar belsendi aralasyp, atom energetıkasynyń bolashaǵy, onyń ekologııalyq qaýipsizdigi jáne ekonomıkalyq ósýdi qamtamasyz etýdegi róli týra­ly suraqtar qoıyp, tushym­dy jaýap aldy. Mańyzdy másele­ler talqylanǵan júzdesý bary­synda el erteńine senimmen qaraı­tyn jastar elimizdegi atom energe­tıkasynyń bolashaǵy men turaqty damýǵa qosatyn úlesi týraly jan-jaqty habardar boldy.

Energetıka mınıstri oblys ortalyǵyndaǵy «Kókshetaý-Energo» JShS jumysymen tanysyp, kásiporyn ujymymen kez­desti. Bul jerde de atom elektr stan­sasynyń qanshalyqty ma­ńyz­dy ekeni jan-jaqty túsin­di­ril­di. El ekonomıkasynyń turaq­ty damýy elektr energııasyna su­ra­­nys­tyń artýymen qatar júre­ti­nin bul ujym jaqsy biledi. О́ner­­kásip, metallýrgııa, kólik, IT, far­masevtıka, aýyl sharýa­shy­ly­ǵy ónimderin qaıta óńdeý baǵy­­tyn­daǵy jańa jobalardy iske asyrý úshin qazirdiń ózinde elektr energııasyna degen suranys joǵary.

Kókshetaý