Bıznes Forýmǵa álemniń 12 elinen: AQSh, Aýstrııa, Japonııa, Iran, Qyrǵyzstan, Qytaı, Malaızııa, Mońǵolııa, Ońtústik Koreıa, О́zbekstan, Reseı, Túrkııadan 50-den astam qandas kásipker arnaıy keldi. Jalpy Qazaqstandaǵy kásipkerlerdi qosa alǵanda sharaǵa 200-ge jýyq qatysýshy jınalǵan. Forýmda sheteldegi jáne Qazaqstandaǵy bıznes qaýymdastyq ókilderi birlese jumys isteý jáne tájirıbe almasý máselesin ortaǵa saldy.
Shara barysynda qandastarymyzǵa Qazaqstannyń ekonomıkalyq baǵdarlamalary men ınvestısııalyq múmkindikteri tanystyrylyp, sheteldik kásipkerlerge zańnamalyq qoldaý kórsetiletini aıtyldy.
Forým barysynda qatysýshylardyń bastamasymen «Sheteldegi jáne Qazaqstandaǵy otandas kásipkerlerdiń Keńesin» qurý usynyldy. Bul keńes sheteldegi etnıkalyq qazaqtardyń bıznes belsendiligin arttyrý jáne olardyń mádenı-gýmanıtarlyq qundylyqtaryn saqtap qalý maqsatynda jumys istemek.
