foto QR Saýda jáne ıntegrasııa mınıstrligi
Kezdesý barysynda Mınıstr Qazaqstannyń saýda-ekonomıkalyq baılanystardy arttyrý úshin Shandýnmen yntymaqtastyqty nyǵaıtýǵa daıyn ekenin aıtty.
«Biz byltyrdan beri Qytaımen saýda-sattyqty aımaqtandyrý prınsıpi boıynsha, ár óńirmen onyń erekshelikterin eskere otyryp jumys istep jatyrmyz. Bul tásil qazirdiń ózinde Sychýan, Hýbeı jáne Shyńjań provınsııalarynda qoldanylǵan», dedi mınıstr.
Sondaı-aq Mınıstr Qazaqstannyń eksporttyq áleýeti, AО́K naryǵyna ónimniń ashyq qoljetimdiligi jáne muzdatylǵan et pen basqa da taýarlardy jetkizýdi jańartý múmkindigi týraly málimdedi.
Provınsııanyń Halyq úkimeti tóraǵasynyń orynbasary Sýn Szıýnszı Shandýn qalasynda «QazTrade» AQ saýda ókildigin ashýdy usynyp, bul óz kezeginde óńirdegi otandyq bıznestiń múddesin tıimdi qorǵaýǵa múmkindik beretinin atap ótti.
Saýda jáne ıntegrasııa mınıstri Arman Shaqqalıev usynystardy zerdeleýge daıyn ekenin bildirdi.
Aıta keteıik, 2024 jyldyń jeti aıynda Qazaqstan men Shandýn provınsııasy arasyndaǵy taýar aınalymy 869,1 mıllıon AQSh dollaryn quraǵan. Eksport 3,23%-ǵa ósip, 348 mln AQSh dollaryn qurap, osy kezeńde Qazaqstanǵa ımport 521,0 mln AQSh dollaryna jetken.
