foto SIM
QR Syrtqy ister mınıstriniń orynbasary Álibek Qýantyrov «PepsiCo» kompanııasynyń ókilderimen kezdesip amerıkalyq transulttyq kompanııasy Qazaqstanda júzege asyryp jatqan chıps óndirý jobasynyń ózekti máselelerin talqylady.
Mınıstrdiń orynbasary bul jobanyń óńirdiń ekonomıkalyq damýyna, jumys oryndaryn ashýǵa jáne qazaqstandyq shıkizatty paıdalaný arqyly agroónerkásip keshenin damytýǵa yqpal etetin mańyzdy yntalandyrý bolatynyn basa aıtty.
Kompanııa ókilderi Qazaqstan úkimetiniń qoldaýyna rızashylyǵyn bildirip, bul joba «PepsiCo»-nyń óńirdegi iri ınvestısııalarynyń bastamasy ekenin, óz kezeginde kompanııa jergilikti jetkizýshilermen belsendi jumys isteýge nıetti jáne ishki naryqtyń ǵana emes, sonymen qatar Ortalyq Azııa elderiniń suranysyn qanaǵattandyrý úshin óndiristi keńeıtýdi josparlap otyrǵanyn atap ótti.
Kásiporyn Almaty oblysynda ornalasyp, álemge áıgili «Lay’s» brendimen kartop chıpsterin shyǵaratyn bolady. Amerıkalyq kompanııa atalǵan jobaǵa 160 mıllıon AQSh dollary kóleminde ınvestısııa salyp, 350-ge jýyq jumys ornyn ashýdy josparlap otyr. Kásiporynnyń qýattylyǵy bastapqy kezeńde 14 myń tonnadan 16 myń tonnaǵa deıin ónim shyǵara otyryp, keıinnen 21 myń tonnaǵa deıin ósedi. О́ndiriske qazaqstandyq kartop paıdalanylatyn bolady.
Kompanııa kásiporynnyń birinshi kezeginiń qurylysyn 2026 jyly aıaqtaýdy josparlap otyr.
