foto QR Densaýlyq saqtaý mınıstrligi
QR Densaýlyq saqtaý mınıstrliginiń mádimdeýinshe UMC júrek ortalyǵynyń mamandary engizgen tehnologııa qaýipsiz ári tıimdi. Em-sharadan keıin naýqastar eki kúnde qalypqa keledi. Tehnologııa saý tinderge keri áserin tıgizbeı, arıtmııa aımaqtaryna dál áser etedi.
Eýropalyq júrek assosıasııasy qaýymdastyǵynyń (EHRA) hatshysy, álemge áıgili kardıolog, fransýz klınıkasy Clinique Pasteur professory Serj Boveda jańa tehnologııany qoldaný boıynsha sheberlik saǵatyn ótkizdi.
«Em-shara az ınvazıvti – kateter san kóktamyry arqyly engizilip, júrekke jiberiledi, onda elektroporasııa arqyly ol tek patologııalyq tinderge áser etedi. Búkil prosess bir saǵattan aspaıdy jáne pasıentter eki kúnnen keıin qalypty jaǵdaıǵa oralady», dedi professor.
Farapulse tehnologııasy Qazaqstanda TMD jáne Ortalyq Azııa elderiniń arasynda alǵash ret engizildi. Ol pasıentterde júrekshe fıbrıllıasııasy– júrektiń joǵarǵy kameralarynyń tez jáne yrǵaqty emes jıyrylýy paıda bolǵan kezde qoldanylady. UMC júrek ortalyǵynyń mamandary doktor Bovedanyń jetekshiligimen master-klass barysynda 8 em-shara ótkizgen.
Bul tehnologııa júrek-qan tamyrlary aýrýlarymen aýyratyn adamdardy ólimnen aman alyp qalýǵa múmkindik beredi.
«Qazaqstanda jyl saıyn 1000-ǵa jýyq naýqas júrekshe fıbrıllıasııasyn emdeýdi qajet etedi jáne memlekettik kvotanyń arqasynda olar osy joǵary tehnologııalyq kómekti tegin ala alady», dep atap ótti UMC basqarmasynyń tóraǵasy Iýrıı Pıa.
