Qyzylordada er adam búldirshin qyz ben júkti kelinshekti atyp óltirdi

ASTANA. 15 maýsym. Qyzylorda oblysynda burynǵy áıeliniń týysyna qonaqqa kelgen er adam júkti áıel men onyń bir jasar qyzyn atyp tastady. Bul týraly nur kz habarlady. Oqıǵa ótken aptanyń senbi kúninde qaladaǵy Jaqaev kóshesinde bolǵan. Er adam óziniń burynǵy áıeliniń týysyna qonaqqa kelip, keıin úı ıesimen sózge kelip  qalǵan. Sodan soń, qonaq kóliginen ańshy qarýyn ákelip, oq jaýdyra bastaıdy. Úı ıesi oqtan sytylǵanymen, 23 jastaǵy júkti kelini men 1 jasar nemere qyzyn qutqara almaǵan. Sábı jedel járdem kóligi jetkenshe shetinese, jas kelinshek jansaqtaý bóliminde qaıtys boldy. Aıta keteıik, oqıǵa ornynan ańshy qarýynan atylǵan patron gılzalary, keıin kúdikti sýǵa laqtyryp jibergen qarý da tabyldy. Al polıseılerden jasyrynǵan qylmyskerdi tabýǵa OMON jaýyngerleri jumyldyryldy. Kisi ólimine kináli azamat tártip saqshylaryna biraz qarsylyq kórsetken. Atalǵan qaıǵyly oqıǵaǵa baılanysty qylmystyq is qozǵaldy. Talǵat Raıymbek. Derek: nur kz. Sýret: syrboyi.kz.