Foto: primeminister.kz
Prezıdenttiń bıyl maýsym aıynda ótken týrızmdi damytý jónindegi keńeste bergen tapsyrmalaryn iske asyrý maqsatynda oblysta týrıstik áleýetti damytý boıynsha jumystar júrgizilip jatqany aıtyldy. Atap aıtqanda, Kendirli kýrortty aımaǵynda jylyna 300 myń adamǵa deıin qabyldaı alatyn týrıstik qala salynady. Injenerlik ınfraqurylym qurylysy bastalyp ketken.
«Kendirli teńiz jaǵalaýynyń ereksheligi – shomylý maýsymynyń uzaqtyǵy. Geografııalyq ornalasýy da mańyzdy ról atqarady. Ol óziniń biregeıliginiń arqasynda týrısterdi tartýǵa yńǵaıly. Osyǵan baılanysty Prezıdent Kendirli týrıstik aımaǵyn qurý boıynsha naqty tapsyrma berdi. Biz tıisti ınfraqurylymy bar jáne týrısterge qyzmet kórsetetin arnaıy týrıstik qalashyq salýdy josparlap otyrmyz. Bul Jańaózen qalasynyń negizgi júktemesiniń tómendeýine jaqsy áser etedi», dedi Kendirli aýylynyń ákimi Meken Úısenov.
