Foto: QR Qorǵanys mınıstrligi
Qorǵanys mınıstrliginiń habarlaýynsha, qazirgi ýaqytta joǵary medısınalyq bilim berý jáne áskerı ınternatýra baǵdarlamalary boıynsha áskerı dárigerlerdi Aqtóbe qalasyndaǵy Áýe qorǵanysy kúshteriniń áskerı ınstıtýty bazasynda Marat Ospanov atyndaǵy Batys Qazaqstan medısına ýnıversıtetimen birlesip daıyndaıdy.
Al joǵary oqý ornynan keıingi medısınalyq bilim berý baǵdarlamasy boıynsha áskerı-medısınalyq kadrlardy daıyndaý «Astana» medısınalyq ýnıversıtetimen akademııalyq utqyrlyq sheńberinde QR Ulttyq qorǵanys ýnıversıtetiniń áskerı medısına kafedrasynyń bazasynda júzege asyrylady.
Halyqaralyq yntymaqtastyq jelisi boıynsha Reseıde, О́zbekstanda, Armenııada, Qytaıda jáne Túrkııada joǵary jáne joǵary oqý ornynan keıingi medısınalyq bilim berý baǵdarlamalary boıynsha mamandar daıarlanatyny habarlandy.
Aıta keteıik, jobany iske asyrý qolda bar mekemelerdi qaıta uıymdastyrýdy, uıymdastyrý sharalaryn júrgizýdi, qajetti ınfraqurylymdy, akademııanyń oqý-materıaldyq bazasyn qurýdy, bilim berý baǵdarlamalaryn ázirleýdi jáne lısenzııa alýdy talap etedi.
