Foto:eldala.kz
«Qazaqstan temir joly» ulttyq kompanııasynyń málimetinshe, jyl basynan bastap astyqpen 582 marshrýttyq poıyz qurylyp, jóneltilgen. Atap aıtqanda, 551 ekspress-poıyz astyq júkterin Qytaıǵa, Túrkmenstanǵa, Iranǵa, Reseıge, О́zbekstanǵa jetkizgen. El boıynsha astyq júkterin marshrýttyq jóneltilimdermen tasymaldaý úshin 31 quram uıymdastyrylǵany belgili boldy.
2024 jyldyń segiz aıynyń qorytyndysy boıynsha astyqtyń temirjol tasymaly 5,4 mln tonnadan asyp, onyń ishinde 4,2 mln tonna eksporttalǵany habarlandy.
Sondaı-aq 2,3 mln tonna astyq óńdeý ónimderi tasymaldanyp, bul ótken jyldyń sáıkes kezeńimen salystyrǵanda 17,4%-ǵa artyq. Qaıta óńdeý ónimderiniń eksporty 20%-ǵa 1,8 mln tonnaǵa deıin, al ishki tasymaldar 9%-ǵa 500 myń tonnaǵa deıin ósken.
Aıta keterligi, 2024 jyldyń qyrkúıeginde Aqtaý porty arqyly aýyl sharýashylyǵy ónimderin tasymaldaý úsh esege-90 myń tonnaǵa deıin ulǵaıǵan. Al qazan aıynda 212 myń tonna tasymaldaý josparlanǵan.
