Foto: Zakon.kz
Sońǵy úsh kúnde úsh qylmystyq toptyń zańsyz áreketi toqtatyldy.
Máselen, Oral qalasynda uıymdasqan qylmysqa qarsy kúres bólinisiniń qyzmetkerleri ózderin quqyq qorǵaý organdarynyń qyzmetkerleri retinde kórsetip, zorlyq-zombylyqpen oqý oryndarynyń biriniń stýdentinen 500 myń teńge bopsalaǵan jergilikti jastar tobyn ustady. Kúdiktiler qamaýǵa alyndy.
Al Shymkentte eki turǵyn ustalyp, ýaqytsha ustaý ızolıatoryna qamaldy. Ustalǵandar jergilikti turǵynnan bir mıllıon teńge bopsalap, oǵan qatysty aqparat taratamyz dep qorqytqan.
«Aqtóbede uıymdasqan qylmysqa qarsy kúres bólinisiniń qyzmetkerleri bir mıllıon teńge men Subaru avtokóligin alý kezinde qylmystyq toptyń múshesin ustady. Ol óziniń úsh sybaılasymen ǵımarat jertólesinde jábirlenýshige moraldyq jáne fızıkalyq qysym kórsetip, 8 mıllıon teńge bopsalaǵan. Sotqa deıingi tergeý júrgizilip jatyr. Bopsalaý faktilerin anyqtaý jáne olardyń aldyn alý jumystary jalǵasady», dep túsindirdi IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.
