Foto: Senattyń baspasóz qyzmeti
Aldaǵy beısenbide senatorlar «Bıologııalyq materıal almasý týraly kelisimdi ratıfıkasııalaý týraly» zańdy qaraıdy. Qujattyń normalary janýarlardyń juqpaly aýrýlarynyń taralýyn boldyrmaýǵa, asa qaýipti aýrýlardyń zerthanalyq dıagnostıkasyn jetildirýge, sondaı-aq mıkroorganızmderdiń (shtammdardyń) ulttyq kolleksııalaryn tolyqtyrýǵa jáne Kelisimge qatysýshy memleketterdiń aýmaqtaryn epızootııadan qorǵaýǵa baǵyttalǵan.
Sonymen qatar atalǵan halyqaralyq qujatta taraptardyń epızootııalyq ahýaly men ǵylymı múddelerin eskeretin akkredıttelgen jáne referenttik zerthanalarda bıologııalyq materıalǵa zerthanalyq zertteýler júrgizý qarastyrylady. Materıaldy irikteý, qaptaý jáne tasymaldaý halyqaralyq standarttarǵa, onyń ishinde Dúnıejúzilik janýarlar densaýlyǵyn qorǵaý uıymynyń usynymdaryna sáıkes iske asyrylady.
Sondaı-aq Bıýro otyrysynda Májilisten kelip túsken zańdar jumys úshin turaqty Komıtetterge bólinip berilgen.
