Foto: el.kz
Senatorlar elimizdiń turaqty damýy úshin AES jobasynyń mańyzy týraly egjeı-tegjeıli baıandaǵan. Olar atom stansııasyn salý elektr energııasyna degen ósip kele jatqan suranysty qanaǵattandyrýda mańyzdy qadam ǵana emes, sonymen qatar uzaq merzimdi ekonomıkalyq paıda ekenin atap ótti.
Joba jańa jumys oryndaryn ashýǵa, ınvestısııa tartýǵa jáne Qazaqstan ekonomıkasyna joǵary tehnologııalyq sheshimderdi engizýdi jedeldetýge múmkindik beredi. Sonymen qatar, atom energetıkasy otandyq ǵylym men tehnologııanyń damýyna yqpal etedi, bul elimizdiń halyqaralyq arenadaǵy pozısııasyn nyǵaıtady.
Parlamentshiler sondaı-aq atom stansııalarynyń qaýipsizdigi máselesine toqtalyp, joba halyqaralyq qaýipsizdik pen ekologııa standarttaryna tolyq sáıkes keletinin atap ótti. Tabıǵı apattarǵa baılanysty qaýipter jáne olardy azaıtý múmkindikteri qarastyryldy. Balama energııa kózderin talqylaýǵa erekshe nazar aýdaryldy. Alaıda senatorlar dál osy kezeńde Qazaqstanǵa atom energetıkasy eń tıimdi sheshim bolyp tabylatynyn atap ótti.
Depýtattar barlyq turǵyndardy aldaǵy referendýmǵa belsendi qatysýǵa shaqyryp, elimizdiń bolashaq energetıkalyq sektoryn qalyptastyrýda árbir azamattyń pikiri men daýysy mańyzdy ekenin atap ótti. Turǵyndar talqylanǵan máselelerge zor yqylas tanytyp, AES qurylysyna qoldaý bildirdi. Jobanyń búkil elimiz ben óńirdiń turaqty damýyna asa qajettigi týraly aıtyldy.
