Foto: Midjourney
Atom ónerkásibindegi otandyq kásiporyndardyń róline erekshe nazar aýdaryldy. «Qazatomónerkásip» kompanııasynda ýran óńdeledi jáne ıadrolyq otyn qaldyǵy jınaqtalyp kómiledi. Elimizde ıadrolyq reaktorlar jarty ǵasyrdan astam ýaqyt jumys istep keledi, olar ıadrolyq ǵylymnyń damýyna qoldaý kórsetip jatyr.
Senator Rýslan Rústemov elimizdiń shıkizattyq emes áleýetin damytý úshin atom energııasyn tıimdi paıdalanýǵa baǵyttalǵan ǵylymı jobalardy júzege asyrý qajet ekenin atap ótti.
«Elimizdiń shıkizattyq emes áleýetin damytýda Iаdrolyq fızıka ınstıtýty ǵalymdarynyń zııandy organıkalyq zattardyń, zııandy mıkroorganızmderdiń, sýdan radıasııalyq óńdeý arqyly taralatyn aýrýlardyń, hımııalyq reaksııalardyń áseri týraly jobalaryn júzege asyrýǵa ýaqyt qalǵan joq. Instıtýt ǵalymdary ozondaýǵa qaraǵanda radıasııalyq óńdeýdiń únemdi ekenin jáne hlorlaýdan áldeqaıda tıimdi bolatynyn, sonymen qatar álemdegi azyq-túlik tapshylyǵyn óteıtinin ertede dáleldegen bolatyn. Beıbit atomnyń el ekonomıkasyndaǵy áleýetin arttyrý jáne onyń ónerkásiptegi jetistikterin tıimdi paıdalanýǵa baǵyttalǵan jobalarǵa jol ashý kerek», dep atap ótti senator Rýslan Rústemov.
Parlamentshiler sonymen qatar aldaǵy referendýmnyń mańyzyna toqtalyp, ony azamattar men memleket arasyndaǵy saıası mádenıet pen senimdi nyǵaıtýdyń mańyzdy quraly dep atady. Olar barsha el azamattaryn daýys berýge belsendi qatysýǵa shaqyrdy, óıtkeni árkimniń daýysy el bolashaǵy úshin mańyzdy.
