Foto: Turizm jane sport ministrligi
Stend atýdan elimizde alǵash ret uıymdastyrylǵan Azııa Kýboginde 14 elden kelgen 200-den astam sportshy baq synady.
Sala mınıstrliginiń málimetinshe, Qazaqstan quramasy skıt jáne trap baǵdarlamasyn qosqanda 14 medal (6 altyn, 3 kúmis, 5 qola) enshilep, jalpy komandalyq esepte birinshi oryn aldy.
Altynnan alqa taqqandar:
- «Skıt» - Ásem Orynbaı;
- «Skıt» - Edýard Eshenko;
- «Skıt» jasóspirimder arasynda - Nıkıta Moıseev;
- «Skıt» áıelder komandasy - Ásem Orynbaı, Zoıa Kravchenko, Adel Sadaqbaeva;
- «Skıt» erler komandasy - Edýard Eshenko, Davıd Pochıvalov, Ilıa Penkov;
- «Skıt» aralas juptyq syn - Ásem Orynbaı, Edýard Eshenko.
Kúmis júlde enshilegender:
- «Trap» - Álisher Aısalbaev;
- «Trap» Qazaqstan erler komandasy - Álisher Aısalbaev, Mark Pochıvalov, Vıktor Hasıanov;
- «Dýbl-trap» erler arasynda - Álisher Aısalbaev, Vladlen Kalımýlın, Artem Chıkýlaev.
Qola medal jeńip alǵandar:
- «Trap» erler arasynda - Mark Pochıvalov;
- «Skıt» erler arasynda - Davıd Pochıvalov;
- «Trap» áıelder arasynda - Aıjan Dosmaǵambetova;
- «Dýbl-trap» - Vladlen Kalımýlın;
- «Trap» Qazaqstan áıelder komandasy - Aıjan Dosmaǵambetova, Karına Pochıvalova, Anastasııa Prılepına..
«Baıraqty básekede jerlesterimiz Azııanyń úzdigi ekenin dáleldedi. Otandyq mergenderdi aıtýly tabysymen shyn júrekten quttyqtaımyn. Bul – birneshe jylǵy tynymsyz eńbektiń, sporttaǵy júıeli jumystyń aıqyn nátıjesi. Keıingi jyldary elimizde stend atý sporty qarqyndy damyp keledi. Jerlesterimiz árdaıym Álem Kýbogi men Azııa oıyndarynda jáne halyqaralyq jarystarda jeńis tuǵyrynan kórinip júr. Osyndaı jeńister jastardy bıik belesterdi baǵyndyrýǵa yntalandyrady dep senemin», dedi mınıstr Erbol Myrzabosynov.
