Berekeli bastama

Jýyrda osy aýylda «Aýyl amanaty» jobasymen naýbaıhana, kondıterlik, jartylaı daıy­n ónim sehtary, jumys qolǵaby, shulyq, plastık ydystar, sabyn, aǵash buıymdary óndiristeri, «Abaı-Dáýlet» seriktestiginiń bas­tamasymen frı zaýyty óz jumysyn bastady. Kez kelgen qalańyzda kezdese bermeıtin «Qyzylorda» sýpermarketi men dámhana turǵyndarǵa joǵary sapaly qyzmet kór­setýge daıyn.

О́ńirdegi agrosala ókilderi jınalǵan óndiris oryndarynyń ashylý saltanatynda oblys ákimi Nurlybek Nálibaev aýyl turǵyndaryn quttyqtap, «Abaı-Dáýlet» seriktestiginiń dırektory Murat Sársen­baev­qa berekeli bastamasy úshin alǵys bildirdi.

«Halqymyzda «Aýylyn kórip, azamatyn tany» degen qanatty sóz bar. Týǵan jerdi damytýǵa, ony kórkeıtýge salynǵan ınvestısııa eselep qaıtady. «Abaı-Dáýlet» seriktestiginiń dırektory Murat Abaı­ulyna osy iske qosqan zor úlesi úshin rıza­shy­lyǵymyzdy bildiremiz. О́ndiris oryndary órkendeı bersin, kásipterińizge bereke, tabys tileımiz. Basqa sharýashylyqtar da osy tájirıbeni engizip, eldi mekenderdi qoldaýǵa, halyqtyń ál-aýqatyn arttyrýǵa atsalysqany jón. О́ńirdegi barlyq aýylda shaǵyn óndiristik alańdar quryp, bıznes-ınkýbatorlar salýǵa múmkindigimiz bar. Memleket qoldaýyn paıdalanyp, aýdan basshylary keshendi jumys júrgizýi qajet», dedi aımaq basshysy.

Is-sharada uzaq jyl el qyzmetinde bolǵan qoǵam qaıratkeri Ibragım Ábıbýllaev jerlesterin quttyqtap, Memleket basshy­­synyń bastamasymen qolǵa alynǵan «Aýyl amanaty» baǵdarlamasyn Syr óńirinde júzege asyrýǵa atsalysqan «Abaı-Dáýlet» serik­testiginiń qyzmetkerleri, ortaq iske úles qosqan aýyl turǵyndary marapattaldy. Jı­­ynǵa qatysýshylar jańartylǵan «Adal adam» mádenı ortalyǵynyń jumysymen tany­­syp, kórermen zalynda konsert tamashalady.

Seriktestik aýyldy kórkeıtý, kógaldan­dyrý, kúrdeli jóndeý jumysyna sońǵy jyldary 730 mln teńgeden astam qarjy bólipti. Sharýashylyq esebinen aýyl ákimdigi, mektep, balabaqsha, meshit ǵımarattary kúrdeli jóndeýden ótkizilgen. Bıyl mádenıet úıine kúrdeli jóndeý, ortalyq alańǵa qaıta jań­ǵyrtý júmysy júrgizilip, jańa óndiris ortalyǵy boı kóterdi.

«Aýyl amanaty» jobasy aıasynda tur­ǵyndar da qoldaýdan kende emes. О́tken jyly sharýashylyqtyń kepildigimen «Syr qusy» aýyl sharýashylyǵy óndiristik kooperatıvi qurylyp, besaryqtaǵylar 27,6 mln teńge nesıege qol jetkizdi.

Bıyl aýylda 1 myń sharshy metrlik sha­ǵyn óndiris ortalyǵy salynyp, 13 kásipker óz kásibin bastaýǵa múmkindik alyp otyr. «Aýyl amanaty» jobasy aıasynda 4 joba, О́ńir­lik ınves­tısııalyq ortalyq arqyly 5 joba, sharýa­shylyqtyń óz qarajaty esebinen 4 joba júzege asyp, jańadan 25 jumys orny ashyldy. Bul jobalarǵa 960 mln teńge ınves­tısııa tartylyp otyr.

Qyzylorda oblysy,

Syrdarııa aýdany