Foto: Midjourney
Respýblıkalyq referendýmǵa qatysýǵa quqyǵy bar azamattardy tizimge engizý
Ákimdikter respýblıkalyq referendýmǵa qatysýǵa quqyǵy bar azamattardyń tizimine turǵylyqty jeri boıynsha turaqty tirkelgen Qazaqstan azamattaryn engizedi.
Turaqty tirkelgen jeri boıynsha emes, óziniń turǵan jeri boıynsha daýys bergisi keletin azamat ákimdikke ótinish berýge quqyly.
Respýblıkalyq referendýmǵa qatysýǵa quqyǵy bar azamattar tizimde bar-joǵyn tekserip, tizimge ený úshin qaıda júginý kerektigin ákimdiktiń ınternet-resýrsynda nemese jergilikti atqarýshy organnyń Call-ortalyǵyna qońyraý shalý arqyly bile alady.
Referendým ýchaskelerinde azamattar daýys berý kúnine 15 kún qalǵanda referendýmǵa qatysýǵa quqyǵy bar azamattardyń tizimderine engizilgen derekterdiń durystyǵyna kóz jetkize alady.
Árbir azamat ózi týraly derekterdi tekserýge quqyly
Túzetýler engizý nemese azamattar tizimine engizý qajettiligi týraly ótinishti ýchaskelik referendým komıssııasy qaraıdy.
Daýys berý quqyǵyn beretin esepten shyǵarý kýálikteri
Turǵylyqty jeri ózgergen azamat referendýmnyń basqa saılaý ýchaskesinde daýys berý úshin esepten shyǵarý kýáligin ala alady.
Mundaı kýálikterdi 20 qyrkúıekten bastap alýǵa bolady. Esepten shyǵarý kýálikterin berý 5 qazanda saǵat 18:00-de toqtatylady.
Daýys berý kezinde azamat esepten shyǵarý kýáligin jáne jeke basyn kýálandyratyn qujatty (onyń ishinde elektrondyq nusqany) usynady.
Ýchaskelik referendým komıssııasy el azamattaryn respýblıkalyq referendýmǵa qatysýǵa quqyǵy bar azamattar tizimine engizedi jáne daýys berýge arnalǵan bıýlleten beredi.
Kýálik tek bir ret paıdalanylady jáne azamat daýys bergen ýchaskede qalady.
Esepten shyǵarý kýálikteri joǵalǵan jaǵdaıda olar qalpyna keltirýge jatpaıdy.
Esepten shyǵarý kýáligi bir eldi meken sheginde basqa ýchaskede daýys bergisi keletin azamattarǵa berilmeıdi.
