foto ashyq derekkóz
Ekıpaj quramynda ol «Mır» orbıtalyq stansııasynda bir apta bolyp, 10 qazanda jerge oraldy. Osy ýaqyt aralyǵynda bes ǵylymı eksperıment júrgizgen.
Ushý kezinde Aral teńiziniń qumdy daýyldaryn túsirý jáne medısınalyq-bıologııalyq zertteýler júrgizildi. Arnaıy azyq-túlik jáne ǵaryshtyq bıotehnologııa muqııat baqylaýdan ótti. Mıkrogravıtasııadaǵy metall balqymalarynyń áreketi zertteldi. Jerge oralǵan soń, jınalǵan barlyq úlgiler ǵalymdar tarapynan muqııat zertteldi.
Toqtar Áýbákirovtiń ushýy qazaqstandyq ǵarysh ǵylymy men tehnologııalaryn damytýdyń mańyzdy qadamy boldy. Qazaq ultynyń tuńǵysh ǵaryshkeri retinde onyń jetistikteri jerdi ǵaryshtan zertteýde jáne Qazaqstanda ǵarysh tehnologııalaryn ázirleýde jańa dáýirdiń bastalýyn bildirdi.
Áýbákirov Toqtar Ońǵarbaıuly — tehnıka ǵylymdarynyń doktory, professor, KSRO-nyń 72-shi ǵaryshkeri, KSRO-nyń eńbek sińirgen synaýshy ushqyshy, Qazaqstan Respýblıkasynyń eńbek sińirgen sport sheberi. Qazaqstan áýe kúshteriniń General-maıory. Qazaqstannyń Halyq Qaharmany, Keńes Odaǵynyń Batyry.
