Foto: Mádenıet jáne aqparat mınıstrliginiń baspasóz qyzmeti
WCCE-2024 basty taqyryby - «Inklıýzıvti kreatıv: ózgergen shyndyq». Delegattar kreatıvti ındýstrııanyń bolashaqty qalyptastyrýdaǵy rólin, tehnologııalardyń qarqyndy damýyna baılanysty áleýmettik jáne ekonomıkalyq qıynshylyqtardy talqylap jatyr.
Sonyń aıasynda kreatıvti ındýstrııaǵa jetekshilik etetin memlekettik organdar basshylarynyń kezdesýi ótti. Qazaqstan atynan mádenıet jáne aqparat vıse-mınıstri Evgenıı Kochetov sóz sóıledi.
«Qazaqstan Prezıdenti Qasym-Jomart Toqaev kreatıvti ındýstrııany damytýǵa erekshe kóńil bóledi. Bul – ekonomıkanyń basym baǵyty. Bizdiń mınıstrlik osy salany qoldaý boıynsha birqatar sharalar ázirledi. Birneshe kún buryn Global Innovation Index-2024 reıtınginde Qazaqstan Úndistan men Irannan keıin, ortalyq jáne Ońtústik Azııa elderiniń kóshbasshy úshtigine endi dep maqtanyshpen aıta alamyz. Reıtıngtegi eń joǵarǵy kórsetkishti «Kreatıvti taýarlar men qyzmetter» jáne «Ulttyq kórkem fılmder» kórsetti. Iаǵnı, kreatıvti ındýstrııa ósti», dedi Evgenıı Kochetov.
Qazaqstan delegasııasy Indonezııa ókilderimen de kelissózder júrgizdi. Taraptar kásipkerler úshin almasý baǵdarlamasyn iske qosý týraly kelisimge keldi. Yntymaqtastyqtyń basym baǵyttary qolóner, dızaın jáne sán salalary bolady. Sondaı-aq qytaılyq áriptestermen kreatıvti ındýstrııa salasyndaǵy birlesken jobalar týraly ýaǵdalasty.
Konferensııanyń úsh kúndik baǵdarlamasyna semınarlar, sheberlik synyptary, vorkshoptar, plenarlyq otyrystar kiredi. Sondaı-aq WCCE aıasynda kreatıvti ındýstrııa boıynsha álemdik jetistikter kórmesi ótip jatyr.
