Al medısınalyq tehnologııalardyń damýy men densaýlyq saqtaýdyń jahandanýy jaǵdaıynda tájirıbe men bilim almasý burynǵydan da ózekti bola túskeni baıqalady. Osy oraıda, Almatyda ótip jatqan Ishki medısına mamandarynyń birinshi ulttyq kongresi otandyq densaýlyq saqtaý júıesine úzdik halyqaralyq tájirıbelerdi engizip, ishki medısına mamandaryna jumys barysynda kezdesetin aýrýlardy dıagnostıkalaý men emdeý sapasyn jaqsarta túsýge septesetini.
Sonymen Qazaqstan, Qyrǵyzstan, Reseı, О́zbekstan, Ázirbaıjan, Grýzııa, Germanııa, Túrkııa, Shvesııa men Ýkraına ishki medısınasynyń ár baǵyttaǵy jetekshi mamandaryn bir alańǵa jınaǵan aýqymdy is-shara elimizde alǵash ret ótip otyr.
QR Densaýlyq saqtaý mınıstrligi, Kardıologııa jáne ishki aýrýlar ǴZI, Qazaq ishki medısına mamandarynyń qaýymdastyǵy men Qazaq ishek aýrýlaryn zertteý jónindegi ǵylymı qoǵamy uıymdastyrǵan Kongreske elimizdiń barlyq óńirlerinen 3350-deı dáriger qatysyp otyrsa, onyń 350 – offlaın, 3 myńnan astamy – onlaın otyr.
Kongress ishki medısınanyń negizgi baǵyttary boıynsha zamanaýı teorııalyq jáne praktıkalyq tájirıbeni biriktirýdi kózdeıdi. Kesheli beri qatysýshylar dıagnostıka men emdeýdiń álemdik trendterin, yntymaqtastyq máselelerin talqylap otyr. Kongress elimizdegi medısınalyq kómektiń sapasyn jaqsartýǵa múmkindik beretin bilim men úzdik klınıkalyq tájirıbelerdi shoǵyrlandyrý alańyna aınaldyrýǵa baǵyttalǵan.
«Kardıologııa jáne ishki aýrýlar ınstıtýty óz alańynda ishki medısına mamandaryn jınaýǵa qol jetkizýi tarıhı oqıǵa. Bizdiń ınstıtýt baıyrǵydan qalyptasqan dástúrlerdi jalǵastyrýshy bolǵandyqtan, mundaı forýmdar asa mańyzdy, bizdi densaýlyq saqtaý júıesin jetildirýge, pasıentterimizdiń densaýlyǵyn nyǵaıta túsýge jeteleıdi.
Bizdiń ınstıtýt terapııalyq beıindegi pasıentterge mamandandyrylǵan kómekti damytyp keledi. Kóptegen sozylmaly ınfeksııalyq emes aýrýlardy emdeýde erte dıagnostıkalaý men terapııanyń túrli jańa tehnologııalaryn úzdiksiz engizýdemiz. Instıtýtta orfandyq jáne endokrındik patologııa, dıabettik taban boıynsha mamandandyrylǵan ortalyqtar, sondaı-aq ishektiń qabyný aýrýlary bar naýqastarǵa arnalǵan ortalyq jáne nýtrıtıvtik qoldaý kabıneti jumys isteı bastady. Bul tásil terapııanyń tıimdiligin arttyrady jáne ishki aǵzalardyń túrli aýrýlaryn emdeý nátıjelerin jaqsartady», deıdi Kardıologııa jáne ishki aýrýlar ınstıtýtynyń Basqarma Tóraǵasy Marat Pashımov.
