Aýylǵa eki otbasy kóship keldi

Sharýasy shalqaıa bas­ta­ǵan shalǵaı aýyldarǵa ekin­shi tynys beretin bul baǵ­dar­lamanyń paıdasy kóp: eldi me­kende turǵyn hám jumys qoly kóbeıedi, mektepte oqýshy sany artady. Kelgen jannyń da ese­bi túgel: basyna úı, qora­syna mal bitedi.

Aqjaıyq aýdanynyń áki­mi Murat Serdalın jańa tur­ǵyndar Bolat Bekmyrzaev pen Ba­d­amsha Ábilqaıyrovaǵa bas­pa­na kilti men arnaıy sertı­fı­kat tabystady. Aýyl­daǵy «Muqash» sharýa qoja­ly­ǵy­nyń jetekshisi Alaý­jan Mu­q­a­sh­ev pen «Álibek» sharýa qo­ja­lyǵynyń jetekshisi Álibek Erǵalı eki úıelmenge bir-bir­den iri qara syıǵa tartty.

Áý basta osy baǵdarlamany uıymdastyrýshylar kóp­balaly otbasylardyń aýylǵa kelýin maqsat etken bolatyn. Shynynda, solaı boldy. Endi Bıtileý aýylynda tútin tú­tetetin Bekmyrzaev áýle­tinde 4 ul-qyz bolsa, Shoqaev­tar­dyń 6 balasy bar. Mine, Isataı Taımanuly atyndaǵy ortalaý mekteptiń de shákirti kóbeıip jatyr.

– Osyndaı ıgi bastamaǵa uıytqy bolǵan oblys basshy­ly­ǵyna, jap-jańa baspanamen qamtamasyz etken aýdan ákimdigine, iri qarasyn tar­tý etken qojalyq jetek­shi­lerine, qýana qarsy alǵan bıti­leý­likterge shynaıy alǵys aıtamyn. Buǵan deıin basymyzda baspana joq, qala­da páter jaldap biraz jyl júrdik. Ári balalar kish­kentaı bolǵan soń úı sharýa­­symen otyrdym. Jolda­sym­nyń jaldamaly jumys­tan tapqan nápaqasyna kún kó­re­­tinbiz. Qaladan aýylǵa kóshý týraly usynys túskende, bárimiz de qýana kelistik, – deıdi alty balanyń anasy, «Kúmis alqa» ıegeri Armangúl Shoqaeva.

Bıtileý aýylynyń jańa turǵyndary kirip otyrǵan bas­pa­nanyń árqaısysy 18 mln teńge turady. Tabıǵı gazy, taza sýy qosylyp tur.

– «Qaladan aýylǵa» baǵdar­la­ma­sy aıasynda Aqjaıyq aý­da­­­­­­­­nyndaǵy Saıqudyq aýylyna bir otbasy kóship keldi. Tináli aýylynda eki jeke bas­pana satyp alyndy. Qazir Aq­bu­laq aýylynda turǵyn úı salý jóninde kásipkerlermen ke­lis­sóz jasap jatyrmyz, – dedi aýdan basshysy Murat Serdalın.

Batys Qazaqstan oblysy