Jańa jyl qarsańynda qazaqstandyqtar jeltoqsanda bir kún 30 jeltoqsan, dúısenbi kúni jumys isteıdi. Osydan keıin 31 jeltoqsan, seısenbi kúni jáne qańtardyń 1,2-si kúnderi — sársenbi men beısenbi kúnderi demalady. 3 qańtar, juma kúni jumys istep, sodan keıin taǵy eki kún demalys bolady.
Naýryz aıynda qazaqstandyqtar aıdyń jartysyna jýyǵynda demalys kúnderin qosa alǵanda, demalady. 8 naýryz senbi kúnine túskendikten, 10 naýryz dúısenbi kúni taǵy demalys bolady. Al Naýryz merekesinde azamattar qatarynan bes kún demalady: 21, 22, 23, 24, 25 naýryz.
Mamyr merekeleri qysqa bolady. Qazaqstandyqtar ádettegi demalys kúnderi qosymsha 1, 7 jáne 9 mamyr kúnderi demalady.
Maýsym aıynda, demalys kúnderinen basqa 6 maýsym, Qurban aıt merekesi bolady. Qazaqstandyqtar qosymsha bir kún demalady.
Shildede Astana kúni — 6 shilde jeksenbige túsetindikten, dúısenbige aýystyrylady, sondyqtan merekelik aptada úsh kún demalys bolady. Tamyzda bir mereke bar. 30 tamyz Konstıtýsııa kúni, jeksenbige túsetindikten, qazaqstandyqtar dúısenbi, 1 qyrkúıekte qosymsha demalady.
Qyrkúıekte 1 qyrkúıek merekesinen basqa tek ádettegi demalys kúnderi ǵana bolady.
Qazanda qazaqstandyqtar qatarynan úsh kún demalady, sebebi 25 qazan Respýblıka kúni senbige túsip, 27 qazan dúısenbi taǵy bir qosymsha demalys kúni paıda bolady.
Jeltoqsanda, Jańa jyldan bólek, bir mereke — 16 jeltoqsan Táýelsizdik kúni, seısenbige túsip tur.
2025 jyly úsh aıda meıramdar bolmaıdy: aqpan, sáýir jáne qarasha. Bul aılarda qazaqstandyqtar tek ádettegi demalys kúnderimen shekteledi.
