Foto: Atyraý óńirlik kommýnıkasııalar qyzmeti
«Búgin óńirde 283 referendým komıssııasy jumys isteıdi. Onyń 9-y – aýmaqtyq, 274-i – ýchaskelik. Jalpy komıssııalarda 2037 múshe bar. Daýys berý prosessi vahtalyq qalashyqtarda ótip jatyr. Bul jumysty 38 ýchaskelik komıssııa júzege asyrady. Barlyq ýchaske materıaldyq-tehnıkalyq qural-jabdyqtarmen qamtamasyz etilgen», dep habarlady oblystyq aýmaqtyq komıssııadan.
Atyraý qalasy men aýdandarda múmkindigi shekteýli jandar úshin 100-ge jýyq ınvataksı uıymdastyrylǵan. Sondaı-aq 15-ke jýyq sýrdoaýdarmashy bar. Ýchaskelerge taktıldi belgiler ornatylǵan. Kózi nashar kóretin saılaýshylar aýdıonusqany tyńdaǵannan keıin trafarettermen qamtamasyz etilgen.
Sondaı-aq tirkeýi joq, sol sebepten eshbir ýchaskede tizimge enbegen azamattardyń daýys berý úshin ýchaskege tirkelýge, daýys berýge múmkindigi bar. Bul qyzmet Atyraý qalasyndaǵy 5 ýchaskede kórsetiledi.
