Ol osy oqý ornynyń medısına fakýltetiniń 2-kýrsynda oqıdy.
«Men búgin elimizde ótip jatqan asa mańyzdy jalpyhalyqtyq is-sharaǵa qatysyp, óz tańdaýymdy jasadym. Birge oqıtyn qurdastarymnyń da tuńǵysh ret daýys berýge kelgenin atap ótkim keledi. Eki jyl buryn Shalqar qalasyndaǵy №3 mektepti «Altyn belgimen» bitirip, ózim tańdaǵan oqý ornyna tústim. Bolashaqta hırýrgııa salasyn tańdap, halqymnyń alǵysyn alatyn jaqsy maman bolyp qalyptasqym keledi. Ol úshin árıne kóp izdenip, kóp oqý kerek», deıdi bolashaq dáriger.
№56 ýchaskelik referendým komıssııasynyń tóraǵasy Álıma Muhambetǵalıevanyń aıtýynsha, osy aýmaqta 2200 daýys berýshi tirkelgen.
Tańǵy ýaqytta kelýshiler qarasy kóbeıdi. Komıssııanyń jeti múshesi turǵyndardy qujat boıynsha tekserip, bıýlletenderin berip otyr. Osy ýchaskede referendýmnyń ótý barysyn segiz baqylaýshy qadaǵalaıdy.
Búgin Aqtóbe qalasyndaǵy №175 referendým ýchaskesinde 343 myń turǵyn daýys beredi dep josparlanǵan. Osy kezge deıin óńirde zań buzýshylyqtar trikelgen joq.
