3D-basyp shyǵarý arqyly arhıtektýralyq nysandar salýǵa mamandanǵan «Icon» kompanııasy Tehas shól dalasynda El Cosmico dep atalatyn erekshe kempıng qonaqúıin salýǵa kiristi. Álemdegi alǵashqy tolyqtaı 3D-men basyp shyǵarylǵan qonaqúı jobasy Marfa qalasynyń mańyndaǵy 24 gektardan astam aýmaqta ornalasady. El Cosmico qonaqúıiniń tujyrymdamasy «Bjarke Ingels Group» sáýlet fırmasymen birlesip ázirlengen. Qonaqúı qurylysy 2026 jyly aıaqtalady.
Kvanttyq kompıýterdegi jańa serpilis
Google men IBM kompanııalary 1000 kýbıttyq kvanttyq kompıýter jasap shyǵardy.
Bul tehnologııa kompıýterdiń esepteý múmkindigin birneshe esege arttyrý arqyly ǵylym men tehnologııadaǵy kúrdeli máselelerdi sheshýge jol ashady. Kvanttyq kompıýterler asa kúrdeli esepterdi jyldam sheship, jasandy ıntellekt, krıptografııa sııaqty salalardy damytýǵa múmkindik beredi. Mysaly, kvanttyq kompıýterdiń kómegimen jańa dári-dármek pen materıal jasaý úderisi aıtarlyqtaı jeńildeıdi. Qýatty kvanttyq esepteý júıeleri arqyly medısına men tehnologııanyń damýy jańa deńgeıge kóteriledi.
Qaıyrly qarsylyq
Ol qarapaıym áıel bola tura, óziniń batyldyǵy men qaısarlyǵy arqasynda ulttyń tarıhyna ózgeris engizdi.
1955 jyly avtobýstaǵy qarsylyq AQSh-taǵy násildik teńdikke baǵyttalǵan kúrestiń basy boldy. Roza Parks 1 jeltoqsan kúni Montgomerı qalasyndaǵy avtobýstyń birine otyrady. Ol afroamerıkalyq jolaýshylarǵa arnalǵan oryndyqqa jaıǵasqan bolatyn. Avtobýs toly bolǵandyqtan, aq násildi jolaýshy kelgende, júrgizýshi Rozadan óz ornyn bosatýyn talap etedi. Biraq ol talapty oryndaýdan bas tartady. Rozanyń bul áreketi Montgomerı avtobýsyndaǵy qarsylastyń bastalýyna túrtki boldy. Bul qarsylyqtyń nátıjesinde, AQSh Joǵarǵy soty segregasııaǵa qarsy sheshim shyǵaryp, avtobýs júıesindegi násildik bólinýshilik zańsyz dep tanyldy. Sondaı-aq 1996 jyly AQSh prezıdenti Bıll Klınton Roza Parksty «Erkindik medalimen» marapattaıdy. Bul – AQSh-taǵy eń joǵary azamattyq marapattyń biri.
