«Respýblıkalyq referendým týraly» Qazaqstan Respýblıkasy Konstıtýsııalyq Zańynyń 31, 33-baptaryna sáıkes jáne oblystardyń, respýblıkalyq mańyzy bar qalalardyń jáne astananyń aýmaqtyq referendým komıssııalarynyń usynǵan hattamalary negizinde Qazaqstan Respýblıkasynyń Ortalyq referendým komıssııasy daýys berý nátıjeleri týraly habarlaıdy:
referendýmǵa qatysý quqyǵy bar Qazaqstan Respýblıkasy azamattarynyń jalpy sany - 12 284 487;
daýys berýge qatysqan azamattardyń sany - 7 820 204 nemese 63,66 prosent;
referendýmǵa qoıylǵan máseleniń oń sheshimin jaqtap daýys bergen azamattardyń sany - 5 56 937 nemese daýys berýge qatysqandardyń 71,12 prosenti;
referendýmǵa qoıylǵan máseleniń teris sheshimin jaqtap daýys bergen azamatardyń sany - 2 045 271;
jaramsyz dep tanylǵan bıýlletenderdiń sany - 130 267.
Referendýmǵa qoıylǵan másele boıynsha daýys berýdiń nátıjesinde onyń oń sheshimin jaqtap daýys berýge qatysqan azamattardyń jartysynan kóbi daýys berdi, sheshim qabyldandy dep sanalsyn.
«Siz Qazaqstanda atom elektr stansııasyn salýǵa kelisesiz be?» máselesi boıynsha referendým ótkizildi dep sanalsyn, óıtkeni referendýmǵa qatysý quqyǵy bar azamattardyń jartysynan astamy daýys berýge qatysty.
Qazaqstan Respýblıkasynyń Ortalyq referendým komıssııasy
