Foto: lsm.kz
Atalǵan tulǵalarǵa 213 mıllıon teńge kóleminde bıýdjet qarajatyn jymqyrdy degen aıyp taǵylyp otyr.
Danııar Bıǵaıdarovtyń aıtýynsha, bilim bóliminiń esepshileri men basshylyǵy mektepte jumys istemeıtin adamdarǵa júıeli túrde «jalaqy» aýdaryp otyrǵan.
«Sonymen qatar bilim bóliminiń bas esepshisi qylmystyq jolmen alynǵan 6,5 mıllıon teńge kólemindegi qarjyny legalızasııalaǵany úshin aıyptaldy», dedi Danııar Bıǵaıdarov.
Qazirgi tańda qylmystyq is sotqa jiberilgen.
Aıta keteıik, 2023 jyldyń basynan beri bilim salasynda 287 qylmystyq is tirkelgen. Urlyqtyń eń kóp mólsheri Jetisý, Túrkistan, Qyzylorda, Almaty, Aqtóbe oblystary men Almaty qalasynda anyqtalǵan.
