Foto: Aqorda
Qasym-Jomart Toqaev Ý Von Shıktiń Koreıa Respýblıkasy Ulttyq Assambleıasynyń Tóraǵasy retinde Qazaqstanǵa jasaǵan alǵashqy sapary elderimiz arasyndaǵy tyǵyz qarym-qatynastardyń dáleli ekenin aıtty.
Prezıdent Qazaqstannyń Azııadaǵy negizgi seriktesteriniń biri Ońtústik Koreıamen aradaǵy sanqyrly yntymaqtastyq qarqyndy damyp kele jatqanyn aıryqsha atap ótti.
Memleket basshysy taraptardyń parlamentaralyq yqpaldastyqty jandandyrý jolyndaǵy kúsh-jigerine qoldaý bildirdi. Bul – saıası, saýda-ekonomıkalyq jáne mádenı-gýmanıtarlyq baılanystardy odan ári nyǵaıtý isiniń mańyzdy tetigi.
Ý Von Shık qonaqjaılyq tanytqany úshin Qazaqstan Prezıdentine alǵys aıtyp, qazaq-koreı baılanysyn barlyq baǵyt boıynsha tereńdetýge daıyn ekenin jetkizdi.
Qasym-Jomart Toqaev pen Ý Von Shık avtokólik qurastyrý, energetıka, ónerkásip, bilim jáne mádenıet salalarynda qazir júzege asyrylyp jatqan jáne aldaǵy ýaqytqa josparlanǵan birlesken jobalar jóninde pikir almasty.
Áńgimelesý barysynda barlyq deńgeıdegi dıalogty jalǵastyrýdyń, sondaı-aq kópjaqty alańdar aıasyndaǵy kezdesýlerdiń mańyzdy ekeni aıtyldy.
