«Osylaısha Qyzylorda oblysy ákimdigimen birlese, óńirdegi qor kásiporyndarynyń belsendi atsalysýymen óskeleń urpaqtyń damyp, shyǵarmashylyqpen shuǵyldanýyna barlyq jaǵdaı jasalyp jatyr. О́ńirde bilimdi de sportpen aınalysatyn jastar sany kóbeıip, elimizdiń jańa chempıondary men daryndy tulǵalary ósip shyǵady dep senemiz», dep atap ótti ashylý rásimderinde «Samuryq-Qazyna» AQ korporatıvtik basqarý, áleýmettik-eńbek máseleleri jáne eńbekti qorǵaý jónindegi basqarýshy dırektory Ǵıbrat Aýǵanov.
Syrdarııa ózeniniń sol jaǵalaýynda boı kótergen aýmaǵy 3652 sharshy metr, 2 qabattan turatyn jańa zamanaýı ortalyqta 16 ústel tennısi bolady, ǵımarat kúnine 150 jergilikti turǵyn men sportshyny qabyldaı almaq. Buǵan deıin, óńirde ashyq aspan astynda ústel tennısimen kásibı aınalysý qolaısyzdyq týdyrǵan.
«Búgin el ıgiligine berilgen ústel tennısi ortalyǵy Syr sportyna jańa serpin ákelip, jeńimpazdar syılaıdy dep senemiz. Súıikti Qyzylordamyzdyń kelbetine kórik qosatyn ásem ǵımarattardyń qataryn tolyqtyrǵan ortalyqtyń qoldanysqa berilýi barshańyzǵa qutty bolsyn. Elimizdiń kók baıraǵy dúbirli dodalarda bıikte jelbirep, sportshylarymyz jeńis tuǵyrynan kórinsin!», dedi Qyzylorda oblysynyń ákimi Nurlybek Nálibaev.
3 myń sharshy metrdi alyp jatqan, qor tobyndaǵy «QazGermunaı» kompanııasy qarjylandyrǵan Oqýshylar saraıyndaǵy synyptar ónerkásiptik dızaındy, robottehnıkany, basqa da túrli tehnıkalyq jańalyqtardy, jańartylatyn qýat kózderin zerdeleýge arnalǵan. Jylyjaı men qysqy baq, bı, mýzyka aspaptary bólmeleri bar.
Qor elimiz boıynsha «Jaıly mektep» jobasy aıasynda 208 mekteptiń qurylysyn josparlap otyr. Búginde onyń 18-i ashyldy. Jyl sońyna deıin taǵy 58 bilim ordasy paıdalanýǵa beriledi. Qyzylordada josparlanǵan 10 jaıly mekteptiń biri – joǵaryda atalǵan mektep.
«Samuryq-Qazyna» AQ kompanııalar tobynyń «Samruk-Kazyna Trust» KQ arqyly júzege asyp jatqan qaıyrymdylyq qyzmetinde sońǵy 5 jylda Qyzylorda oblysynda 1,5 mlrd teńgeden astam somaǵa densaýlyq saqtaý, halyqtyń áleýmettik osal toptaryn qoldaý, áleýmettik kásipkerlikti damytý, buqaralyq sport baǵyttarynda 11 joba iske qosyldy. Máselen, qor qoldaýynyń nátıjesinde, qazirgi kezde Qyzylorda óńirinde ońaltý ortalyǵy, kópsalaly sport kesheni, beıimdelgen sport toptary jumys istep tur.
