Sýret: ru.freepik.com
Toptyq týrnırde jerlesterimiz aldymen Soltústik Koreıany qapy qaldyrdy. Bul komandanyń sapynda aralas juptar arasyndaǵy Parıj Olımpıadasynyń kúmis júldegeri Rı Chon Sık oınady. Sol sportshyǵa Alan Qurmanǵalıev (2:3) ese jiberdi. Aıdos Jumaǵulov (1:3) Kım Son Ilge jol berdi. Esesine odan keıin bizdiń jigitter oıyn tizginin qolǵa aldy. Alan (3:2) Hem Iý Sonǵa san soqtyrsa, Kırıll Hem Iý Son (3:2) men Rı Chon Sıkti (3:0) súrindirdi. Esep – 3:2. Kelesi kezdesýde Pákistannyń tas-talqanyn shyǵardyq – 3:0. Saýd Arabııasyna qarsy ótken oıyn da dál sondaı eseppen aıaqtaldy – 3:0. Bul básekede Gerasımenko, Qurmanǵalıev, Kenjeǵulov óz qarsylastarynan basym tústi.
Shırek fınalda Úndistan quramasymen jolymyz qıysty. Bul kezdesýde qonaqtar 3:1 esebimen jeńiske jetti. Otandastarymyzdyń arasynan tek Alan Qurmanǵalıev qana óziniń myqtylyǵyn moıyndatty. Al Kırıll Gerasımenko eki, Aıdos Jumaǵulov bir retten utyldy. Sóıtip, jigitter júldeli orynǵa talasý múmkindiginen aıyryldy. Al qyzdar toptyq týrnırde mońǵoldardy utqanymen, soltústikkoreıalyqtarǵa jol berdi.
