Marokko men Aljır sý astynda qaldy. Tabıǵattyń tosyn qubylysynan myńdaǵan adam zardap shegip, júzdegen qurylys nysany qırady. Qutqarý tehnıkalary da iske jaramaı balshyqqa batyp ketken. Sınoptıkterdiń aıtýynsha, klımattyń bulaı qubylýy aldaǵy eki-úsh aıdaǵy aýa raıyna da áser etedi.
Tesla-nyń temir tulpary
Júrgizýshisi joq kólikpen qatynaıtyn kún de alys emes. Ilon Mask Tesla kompanııasynyń Cybercab robottaksıi men Robovan robofýrgonyn tanystyrdy.
Jańa modelder tolyqtaı avtonomdy, júrgizýshisiz basqarylady. Eki kóliktiń de esikteri joǵary qaraı ashylady. Cybercab robottaksıi eki jolaýshyǵa arnalǵan. Sondaı-aq onyń rýli men pedali joq. 20 adam syıatyn Robovan mıkroavtobýsy da dál solaı jasalǵan. Biraq symsyz qýattaý júıesimen jabdyqtalǵan ári ony júk tasymaldaýǵa paıdalanýǵa bolady. Ilon Masktiń aıtýynsha, robottaksı 2025 jylǵa qaraı Tehas pen Kalıfornııada qatynaı bastaıdy.
Jeti ret jasyn túsken
AQSh-tyń Vırdjınııa shtatynda turǵan Roı Sallıvanǵa jeti ret naızaǵaı túsip, tiri qalǵan.
Ǵalymdardyń aıtýynsha, adamǵa naızaǵaı túsý yqtımaldylyǵy óte tómen. Túsken jaǵdaıda adam til tartpaı ketedi. Al Roıdyń jany siri sekildi. Ol osy oqıǵadan keıin Gınnestiń rekordtar kitabyna da engen. Bul statıstıkalyq turǵydan múmkin emes kóringenimen, dárigerler onyń janyn aman alyp qalǵan. Tipti ony «naızaǵaı tartatyn adam» dep ataǵan. О́mirdiń paradokske toly ekenin Roıdyń ǵumyry dáleldeı túsetindeı. Naızaǵaı almaǵan janyn ol 71 jasynda óz qolymen qıǵan desedi.
