Foto: newtimes.kz
Anyqtalǵandaı, qalalyq emhananyń bas esepshisi qyzmet babyn paıdalanyp, qasaqana paıdaqorlyq nıetpen 2012-2023 jyldar aralyǵynda ózine senip tapsyrylǵan 573 mln teńgeden astam bıýdjet qarajatyn ıemdenip, bankterdegi óz esep-shottaryna aýdarǵan. Qylmystyq jolmen alynǵan qarajatty aýdarý túrinde mámileler jasasý arqyly zańdastyrǵan.
Nátıjesinde, emhanaǵa asa iri mólsherde zalal keltirilgen. Isti qaraý barysynda sottalýshy 3 mln teńgeni ótegen.
Prokýror sottalýshyny 8 jyl merzimge bas bostandyǵynan aıyrýdy suraǵan. Sottalýshy óz kinásin ishinara moıyndap, shynaıy túrde ókinip, jeńil jaza túrin taǵaıyndaýdy ótingen.
«Sottalýshy taǵylǵan aıyptar boıynsha kináli dep tanylyp, qylmystyq jolmen tabylǵan qarajatqa satyp alynǵan múlki memleket paıdasyna tárkilenip, qarajat jáne materıaldyq jaýaptylyqqa baılanysty qyzmetpen aınalysý quqyǵynan 10 jylǵa aıyra otyryp, 8 jyl merzimge bas bostandyǵynan aıyrý jazasy taǵaıyndaldy», delingen habarlamada.
Apellıasııa birinshi satydaǵy sottyń úkimimen kelisti. Sot úkimi zańdy kúshine endi.
