Atalǵan saıys 2014 jyly Ońtústik Koreıadan bastaý alǵan. Sodan beri Taıvan, Nıderland, Gonkong sııaqty elderde turaqty uıymdastyrylyp keledi. «Bundaı básekeden paıda bar ma?» dep oılaýyńyz múmkin? Bar bolǵanda qandaı. «Álbette, jumystyń kóptigi jaqsy. Degenmen qazirgi qarbalas zamanda tynyshtyqty tyńdap, eshteńege alańdamaı, jaı ǵana óz oıyn estı alatyn adamdar azaıyp barady», deıdi mamandar. Demek bul baıqaýdyń maqsaty – kúızelisten qutqarý, medıtasııany dáripteý. Bir qaraǵanda, saıys sharty óte ońaı sııaqty kórinýi múmkin. Biraq toqsan mınýt tynym taýyp, jeńimpaz atanatyndar tym sırek eken.
Iýpıterdegi tirshilik
NASA-nyń «Europa Clipper» ǵarysh kemesi Iýpıterge, naqtyraq aıtqanda, onyń serigi Eýropaǵa attandy.
Eýropa degenimiz – kári qurlyq emes, Iýpıter ǵalamsharynyń 95-serigi. Byltyr ǵalymdar «Djeıms Ýebb» teleskobynyń kómegimen osy ǵalamshar qoınaýynan kómirtek tapqan edi. Sodan beri atalǵan aspan denesinde tirshilik bar degen boljam aıtylyp keledi. Ǵalymdar Iýpıter seriginde kómirsýtek bary jóninde teleskop málimetin saraptap, ol muz astyndaǵy tuzdy sýdan kelip jatyr degen qorytyndyǵa kelgen. Degenmen ǵalymdar kómirsýtekti tiri aǵzalar shyǵaryp jatyr ma, joq pa degen suraqqa ázirge jaýap bere almaı otyr. Aldaǵy ǵarysh saparynyń negizgi mıssııasy da osy bolmaq.
Balkondaǵy kún batareıasy
Bul qurylǵy kún energııasyn tikeleı elektr qýatyna aınaldyrady. Ekologııalyq jaǵynan tıimdi mundaı tehnologııaǵa qazir suranys kóp.
Máselen, Germanııada jyl basynan beri bul batareıanyń sany eki esege ósken. Nemis kún energııasy qaýymdastyǵynyń aıtýynsha, atalǵan qurylǵynyń baǵasy arzandap keledi. Turǵyndar ońaı satyp alý maqsatynda bıýrokratııalyq kedergiler joıylǵan. Aıta keteıik, energııanyń ruqsat etilgen mólsheri 600-den 800 vatqa deıin jetedi.
