Foto:alm.kgd.gov.kz
Vedomstvo málimetinshe, Sybaılas jemqorlyqqa qarsy is-qımyl agenttiginiń Tóraǵasy A.J. Jumaǵalı bastaǵan delegasııa parasattylyq jáne jemqorlyqqa qarsy kúres máseleleri jónindegi jumys tobynyń otyrysyna qatysqan.
Is-sharada memlekettik jáne jeke sektorlardaǵy adaldyq pen satylmaýshylyq, múddeler qaqtyǵysy, qoǵammen ózara is-qımyl máseleleri, sondaı-aq jemqorlyqqa qarsy kúrestiń ozyq quraldary talqylanǵan. Sondaı-aq, elimizdiń jemqorlyqqa qarsy saıasaty jáne Sybaılas jemqorlyqqa qarsy qyzmettiń jumysy tanystyrylǵan.
«Aıta ketý kerek, Qazaqstan halyqaralyq mámilelerdi júzege asyrý kezinde sheteldik laýazymdy tulǵalarǵa para berýge qarsy kúres jónindegi EYDU Konvensııasyna qosylýǵa nıetti», delingen habarlamada.
Sybaılas jemqorlyqqa qarsy is-qımyl agenttigi bul memlekettik apparat pen qoǵamda parasattylyq qaǵıdattaryn engizý, quqyqtyq kómek kórsetý, qylmyskerlerdi ekstradısııalaý, zańsyz aktıvterdi qaıtarý máseleleri boıynsha yntymaqtastyqty kúsheıtýge múmkindik beredi jáne shet elderdiń quqyq qorǵaý organdarymen tıimdi ózara is-qımyl jasaý úshin negiz jasaıtynyn atap ótti.
