Foto: inbusiness.kz
Búgingi tańda Shymkent turǵyndarynyń sany 1 mıllıon 200 myń adamǵa jýyqtaǵan. Al 2035 jylǵa qaraı qala turǵyndarynyń sany 1 mıllıon 900 myń adamǵa deıin ósedi dep josparlanǵan.
«Halyqtyń tyǵyzdyǵy kommýnaldyq qyzmet shyǵyndaryn ońtaılandyrýǵa múmkindik beredi, al aýa men sý sapasy sııaqty ekologııalyq problemalardy sheshý negizinen basqarý máselelerimen baılanysty. Qalanyń ári qaraı damýy úshin turaqty jáne sapaly basqarý qajet. Soǵan qaramastan, Shymkent óziniń qolaıly klımatynyń, yńǵaılylyǵynyń jáne jasyl jelektiń kóptiginiń arqasynda ómir súrýge jaıly qala bolyp qala beredi. Men Shymkentti elimizdiń eń ádemi qalalarynyń biri dep esepteımin», deıdi sarapshylar.
Sonymen qatar qala turǵyndarynyń etnıkalyq quramy aıtarlyqtaı ózgeristerge ushyrap jatyr. Buryn Shymkentte ózge ult ókilderi basym bolsa, qazir halyqtyń 70 paıyzyn qazaqtar quraıdy.
Aıta keterligi, Shymkent qalalyq PD kóshi-qon qyzmetiniń bólimshelerinde 42 654 sheteldik ýaqytsha tirkeýge tursa, onyń ishinde eń kóp – 39 418 adam О́zbekstannan kelgen.
