Eki kúnge jalǵasatyn sezd jumysyna Italııa, Polsha, Qyrǵyzstan, О́zbekstan, Ázirbaıjan, Reseı, Belarýs men basqa da alys jáne jaqyn elderdiń pedıatrııa jáne balalar hırýrgııasy salasynyń jetekshi ǵalymdary men sarapshylary, onlaın jáne offlaın formatta otandyq 900-den astam pedıatrlar men balalar hırýrg-dárigerleri qatysyp otyr.
Mereıtoılyq alqaly basqosýdyń ashylý saltanaty QR Densaýlyq saqtaý mınıstri Aqmaral Álnazarovanyń, Ana men bala densaýlyǵyn qorǵaý departamentiniń dırektory Maǵrıpa Embergenovanyń, S.J.Asfendııarov atyndaǵy Qazaq ulttyq medısına ýnıversıtetiniń ókili, klınıkalyq blok boıynsha prorektory Svetlana Sultanǵazıeva men Pedıatrııa jáne balalar hırýrgııasy ǵylymı ortalyǵynyń Basqarma tóraǵasy Abaı Qusaıynovtyń quttyqtaý sózimen ashyldy.
Búgin Qazaqstan balalar dárigerleriniń alǵashqy seziniń ótkenine – 50 jyl. 1974 jyly balalar dárigerleriniń birinshi sezi ótti. Búginde osy atalǵan sátten estelik retinde tek qana fotosýretter ǵana saqtalǵanymen, sezdiń rýhy, qaǵıdattary men mindetteri ózgerissiz qaldy.
Búgin de bul zalǵa jınalǵan barlyq dárigerlerdi bir maqsat biriktirse – ol elimizdiń eń kishkentaı azamattarynyń densaýlyǵyn saqtaý men jaqsartý.
Mereıtoılyq shara 400-den astam balalar dárigerleriniń basyn qosty, taǵy 500-den astam dáriger bizdi búgin onlaın tyńdap otyr. Zalda óz jumysynyń nátıjelerimen bólisýge daıyn sheteldik áriptesterimizdi de kórý erekshe qýantady. Pedıatrııalyq qyzmettiń bolashaǵy turǵysynan aǵa býyn áriptesterinen bilim alyp, tájirıbe jınaıtyn jáne óz tájirıbelerin jetildiretin kóptegen jas mamandar jigerlendiredi.
«Sezd qorytyndysy boıynsha qabyldanǵan qarar elimizdiń pedıatrııalyq qyzmetin odan ári damytýǵa jańa serpin beredi dep senemin!», dedi sezdiń ashylý rásiminde Pedıatrııa jáne balalar hırýrgııasy ǵylymı ortalyǵynyń Basqarma tóraǵasy Abaı Qusaıynov.
ALMATY
