Foto: dalanews.kz
Atap aıtqanda, tujyrymdamaǵa sý tasqynyn boljaý men modeldeýdi jetildirý, kadrlyq áleýetti arttyrý, sondaı-aq tıisti ınfraqurylymdy damytý jónindegi tarmaqtar qosyldy.
Engizilgen ózgeristerdi eskere otyryp, tujyrymdamany iske asyrý jónindegi is-qımyl jospary da qaıta qaralyp, tolyqtyryldy. 2030 jylǵa qaraı qol jetkizý josparlanyp otyrǵan 13 ındıkator anyqtaldy.
Eldiń sý qaýipsizdigin qamtamasyz etý úshin tujyrymdamada jańadan 42 sý qoımasyn salý, 37 sý qoımasyn rekonstrýksııalaý jáne 14 myń shaqyrymnan astam sýarý kanaldaryn jańǵyrtý kózdeledi. Bul sý tasymaldaý kezinde ónimsiz shyǵyndardy 50%-dan 25%-ǵa deıin azaıtýǵa, sýarmaly jerlerdiń aýdanyn 2,5 mln gektarǵa deıin, al qolda bar sý resýrstarynyń kólemin 2,6 mlrd tekshe metrge ulǵaıtýǵa múmkindik beredi.
Sondaı-aq ekonomıka salalaryn sýmen turaqty qamtamasyz etý jáne tótenshe jaǵdaılardyń týyndaý qaýpin azaıtý úshin gıdrotehnıkalyq qurylystardyń jaǵdaıy jaqsarady.
«Tujyrymdamaǵa sáıkes sý resýrstaryn basqarý júıesin damytý birneshe baǵyt boıynsha júzege asyrylady. Bul sý resýrstaryn paıdalaný tıimdiligin arttyrý, sý sharýashylyǵy ınfraqurylymyn jańǵyrtý jáne damytý, aqparattyq-taldamalyq bazany jetildirý, ekologııalyq jaǵdaıdy jaqsartý, transshekaralyq yntymaqtastyqty damytý, normatıvtik-quqyqtyq bazany jetildirý jáne basqa da is-sharalar», dedi Sý resýrstary jáne ırrıgasııa mınıstri Nurjan Nurjigitov.
