Pensılvanııa ýnıversıtetiniń zertteýshileri sýsyndardyń dámin bir-birinen ajyrata alatyn «elektrondy til» jasap shyqty. Jasandy ıntellektimen jasalǵan qurylǵy suıyqtyqtyń túrin ǵana emes, sapasynda, quramynda qospalardyń bar-joǵyn da bile alady. Robottyń datchıkteri ártúrli hımıkattardy anyqtaýǵa qabiletti. Neırojeli engizilgen derekter negizinde sýsynnyń túrin ajyratyp, sapasyna taldaý jasaıdy. «Elektrondy til» synaq kezinde sút, sý, túrli gazdalǵan sýsyndar, kofe, jemis shyryndary túrleriniń 80 paıyzdan astamyn dál tapqan. Al jasandy ıntellektige baǵalaý parametrlerin óz betinshe anyqtaýǵa múmkindik bergende, dáldik 95 paıyzǵa deıin artqan.
5G-den jyldam
London ýnıversıteti kolledjiniń ınjenerleri symsyz derekterdi berý jyldamdyǵyn 938 gbıt/s-qa jetkizip, rekord ornatty.
Bul Ulybrıtanııadaǵy 5G júkteý jyldamdyǵynan 10 myń ese jyldam. Mysaly, 5G arqyly 4K Ultra HD formatyndaǵy eki saǵattyq fılmdi júkteýge shamamen 19 mınýt ketse, jańa tehnologııamen ony 0,12 sekýndta júkteýge bolady. Ǵalymdar bul halyq tyǵyz ornalasqan aımaqtar men buqaralyq is-sharalarda turaqty ári jyldam baılanys ornatýǵa kómektesetinin aıtady. Zertteýshiler jańa júıe aldaǵy zerthanalyq synaqtardan sátti ótse, 3-5 jyl ishinde qoldanysqa daıyn bolady dep otyr.
Ǵashyqtar arasyna túsken ChatGPT
ChatGPT qazir kez kelgen salada kádege jarap júr. Biraq ony renjisip qalǵan adamyńdy jeńýge paıdalaný tipti qyzyq eken.
28 jastaǵy arý súıgen jigitimen arazdasyp qalǵanda, ony jeńý úshin únemi jasandy ıntellektiniń kómegine júginedi eken. Tipti týra renjisip qalǵan sátte qolyna smartfonyn ala qoıyp, ChatGPT-den aqyl suraıtyn kórinedi. Bul týraly jelide qyzdyń jigiti jazdy. Keıingi ýaqytta olardyń aralarynda birneshe ret janjal bolǵan. Renjisip qalǵan saıyn qyz jasandy ıntellektiniń kómegimen árbir sózin egjeı-tegjeıli oılastyryp alady eken. «О́zimdi bárin usaq-túıegine deıin este saqtaıtyn robotpen aıtysyp jatqandaı sezinemin», dep jazdy jigit paraqshasynda.
