Foto: Astana ákimdigi
Aksııa qaladaǵy ekologııalyq jaǵdaıdy jaqsartýǵa, sondaı-aq kásipkerlerdiń ekologııa máselelerine jaýapty kózqarasyn ilgeriletýge baǵyttalǵan.
Is-sharaǵa Mega Silk Way, Asia Park jáne Keruen sııaqty iri saýda-oıyn-saýyq ortalyqtarynyń, sondaı-aq Ailand oıyn-saýyq ortalyǵynyń ókilderi qatysty. Olarǵa №1 Indýstrııalyq park kásiporyndarynyń qyzmetkerleri, onyń ishinde «MetalFormer», «Digital System Servis» jáne «DAT KZ» JShS qosyldy.
Kásipkerler óz aýmaqtary men irgeles ýchaskelerin tazalaýdy uıymdastyra otyryp, aksııany belsendi qoldady. Qala keńistigin qoqystardan tazartty, tártipti qalpyna keltirdi jáne qalalyq ortany abattandyrýǵa yqpal etti.
«Bul is-shara bıznestiń ekologııalyq jaýapkershiligin ilgeriletý men tazalyq mádenıetin qalyptastyrýdaǵy mańyzdy qadam boldy. Kásipkerler basqa kompanııalar men uıymdar úshin oń úlgi kórsetti», dep atap ótti Astana qalasy Investısııalar jáne kásipkerlikti damytý basqarmasynyń saýda jáne qyzmet kórsetý salasyn damytý bóliminiń basshysy Ádil Qapsalıamov.
Esterińizge sala keteıik, «Taza Qazaqstan. Astana-tazalyq pen tártiptiń úlgisi» ekoaksııasy aıasynda qalany sanıtarlyq tazartý, nóser jáne aryq kárizderin tazartý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary jasalýda.
Sondaı-aq jasyl jelekterdi kútip ustaý jáne otyrǵyzý, saýda nysandaryna irgeles aýmaqtardy jınaý, ruqsat etilmegen polıgondardy joıý jáne t. b. jumystar atqarylyp jatyr.
Sonymen qatar, elordada «Taza Astana» jańa áleýmettik jobasy iske qosyldy. Joba quqyqtyq tártip, abattandyrý, kógaldandyrý, sanıtarlyq tazalaý, kóppáterli turǵyn úılerdiń, úı janyndaǵy, oramishilik jáne aýla aýmaqtarynyń kirme toptarynyń tazalyǵy máseleleri boıynsha júıeli jumys jasaýǵa baǵyttalǵan.
