Foto: Aqorda
Prezıdent Qasym-Jomart Toqaev syrtqy saıasat vedomstvosynyń basshysyna iltıpat bildire otyryp, Qazaqstan men Chehııa arasynda dostyq pen ózara qurmetke qurylǵan kópjyldyq ári nátıjeli yntymaqtastyq qalyptasqanyn atap ótti.
Memleket basshysy mınıstrdiń sapary eki el arasyndaǵy kópjaqty qarym-qatynastyń nyǵaıýyna tyń serpin beretinine senim bildirdi. Onyń aıtýynsha, Qazaqstan Eýropa Odaǵyndaǵy mańyzdy seriktesteriniń biri sanalatyn Chehııamen tyǵyz yqpaldastyq jasaýǵa beıil.
Prezıdent eki eldiń saýda jáne ınvestısııalyq baılanystaryn odan ári damytýǵa mol múmkindik bar ekenine nazar aýdaryp, elimizdiń cheh ınvestorlaryna aldaǵy ýaqytta da qoldaý bildirýge daıyn ekenin aıtty.
Iаn Lıpavskıı kezdesýge múmkindik jasaǵany úshin Memleket basshysyna rızashylyǵyn bildirip, Chehııa Prezıdenti Petr Paveldiń Qasym-Jomart Toqaevty Pragaǵa resmı saparmen kelýge shaqyrǵanyn jetkizdi.
Chehııa Syrtqy ister mınıstri qarqyndy ekonomıkalyq baılanystar qazaq-cheh yntymaqtastyǵynyń negizi sanalatynyna nazar aýdardy. Iаn Lıpavskıı ónerkásip, «jasyl» damý talaptaryna kóshý jáne energetıka salalaryn birlesken jumystyń basym baǵyttary retinde atap ótti.
Sonymen qatar Qasym-Jomart Toqaev pen Iаn Lıpavskıı óńirlik jáne halyqaralyq kún tártibindegi máseleler jóninde pikir almasty.
Kezdesý sońynda Memleket basshysy Chehııa Prezıdenti Petr Pavelge izgi tilegin jetkizdi.
