Gazet – alǵashqy rýmyn basylymdarynyń biri. 1857 jyly jaryq kórgen. Gazette sırek kezdesetin «Cap de bour» markalary bolǵandyqtan, ol qymbatqa baǵalanǵan. Basylymda 1858 jyly Moldovada shyǵarylǵan ataqty markalardyń segiz danasy jaryq kórgen. Olar alǵash ret poshta júıesinde qoldanylǵan. Markalar sırek kezdesetindikten, kolleksıonerler arasynda joǵary baǵalanady.
Soqyr shahmat
Shahmattyń biz biletin bir-aq erejesi bar. Al biz bilmeıtin nusqalary kóp-aq. Sonyń biri – soqyr shahmat.
Soqyr shahmat – bul oıynshylardyń taqtaǵa qaramaı, tek túısikpen oınaıtyn erekshe nusqasy. Oıynshylar barlyq júristi este saqtap, fıgýralardyń ornalasýyn oısha qadaǵalaıdy. Sondyqtan bul oıynda mat qoıý úshin este saqtaý qabiletiń myqty bolý kerek. Tarıhta áıgili shahmatshy Frenk Marshall birden 10 partııany soqyr shahmat formatynda oınap, qarsylastaryn tańǵaldyrǵan.
350 jyldyq alyp aǵash
Belarýs elinde 350 jyldyq tarıhy bar alyp emen ósedi.
Emenniń bıiktigi shamamen 30 metr, al dińiniń dıametri – 2 metr. Sarapshylardyń baǵalaýynsha, aǵashtyń jasy 350 jyldan kem emes. Qazirgi kezde alyp emenge tabıǵat eskertkishi mártebesi berilgen. Mozyr tájirıbelik orman sharýashylyǵy mamandary emen ósetin orman aýmaǵyn týrıstik orynǵa aınaldyrýdy josparlap otyr. Jalpy, Belarýs jerinde budan basqa da alyp emender ósken. Biraq olar shirı bastaǵandyqtan turǵyndar aǵashtardy kesýge týra kelgen.
