Foto: polisia.kz
Aıta keteıik, buzýshylyqtardyń basym bóligi mıgranttarǵa qatysty tirkelgen. Qazaqstan Respýblıkasynyń Ákimshilik quqyq buzýshylyq týraly kodeksiniń 517-babyna sáıkes, 324 mıgrant kóshi-qon zańnamasyn buzǵany úshin ákimshilik jaýapkershilikke tartyldy.
Shara aıasynda sheteldikterdi nemese azamattyǵy joq adamdardy qabyldaıtyn jeke jáne zańdy tulǵalar, atap aıtqanda elimizdiń 100-den astam azamaty jaýapqa tartylǵan. Bul buzýshylyqtar sheteldikterdi qabyldaý kezinde kóshi-qon zańnamasynyń talaptaryn saqtamaý faktilerine qatysty ekeni belgili boldy.
«Qazaqstan azamattary arasynda sheteldik jumys kúshin tartýmen baılanysty jaǵdaılar tirkeldi. Osy shara barysynda osyndaı 31 derek anyqtaldy. Sondaı-aq is-shara barysynda shekaralyq rejımdi buzýdyń 20 deregi tirkeldi, bul buzýshylyqtar shekaralyq aımaqta jáne jekelegen jerlerde bolý tártibiniń saqtalmaýymen baılanysty», delingen habarlamada.
Sonymen qatar ákimshilik quqyq buzýshylyqtardan basqa, aýyr quqyq buzýshylyqtar da anyqtalǵan. Máselen, zańsyz kóshi-qondy uıymdastyrý boıynsha eki qylmystyq is qozǵalǵan.
