- Fýtboldan el chempıonatynyń birinshi lıgasynda aldyna jan salmaǵan Kókshetaýdyń «Oqjetpesi» kelesi maýsymda Premer-lıgada óner kórsetedi. Al ekinshi orynǵa tartys Jezqazǵannyń «Ulytaýy» men Aqtaýdyń «Kaspıı» klýbtary arasynda órbip jatyr.
- Danııanyń Ballerýp qalasynda velotrekten álem chempıonaty aıaqtaldy. О́kinishke qaraı, elimizdiń sportshylary bul jarysta súreńsiz óner kórsetti. Veloshabandozdar arasynan eń úzdik kórsetkishke Kırıll Kýrdıdı qol jetkizdi. Gıt saıysynda ol jetinshi oryn aldy.
- Taılandtyń Hýahın qalasynda uıymdastyrylǵan WTA 250 týrnırinde Reseı tennısshisi Irına Hromachevamen juptasyp óner kórsetken Anna Danılına úzdik dep tanyldy. Sheshýshi básekede olar gongkongtyq Edıs Chýn men japonııalyq Moıýka Ýchıjımany jeńdi. Esep – 6:4, 7:5.
- Elimizdiń eń tanymal ústel tennısshisi Kırıll Gerasımenko Fransııanyń Monpele qalasynda WTT Champions týrnırine qatysyp jatyr. Sonymen qatar atalǵan dodada Ýgo Kalderano (Brazılııa), Lıan Szınkýn (Qytaı), Lın Shıdýn (Qytaı), Felıks Lebrýn (Fransııa), Lın Goaıýan (Qytaı), Tomokazı Harımoto (Japonııa), Lın Iýn-Djý (Taıbeı), Dang Sıý (Germanııa), Patrık Fransıska (Germanııa), Trýls Moregard (Shvesııa) syndy saqa sportshylar baq synaıdy. Jarys 27 qazanda aıaqtalady.
- 25-27 qazan aralyǵynda Kanadanyń Monreal qalasynda short-trekten Álem kýboginiń kezeńdik saıysy ótedi. Odan keıingi aılar da dúbirli dodaǵa toly. Ulttyq komandanyń bas bapkeri Petr Gamıdov atalǵan jarystarda myna shákirtterine senim artyp otyr: Denıs Nıkısha, Abzal Ájiǵalıev, Erkebulan Shamuhanov, Ádil Ǵalıahmetov, Gleb Ivchenko, Mersaıd Jaqsybaev, Aıbek Násen, Olga Tıhonova, Iаna Han, Málıka Ermek, Alına Ájiǵalıeva, Madına Janbosynova, Zeınep Qumarqan.
- 2 qarashada Sankt-Peterbýrgte aralas jekpe-jekten ASA týrnıriniń shymyldyǵy túriledi. Neva jaǵalaýynda ótetin jarysta jartylaı jeńil salmaqtaǵy «Alash Praıd» Gran-prıiniń jeńimpazy Baqdos Oljabaı (16-4) da óner kórsetedi. Qazaq faıteri bul keshte reseılik Rýstam Kerımovpen (20-1) kúsh synasady.
- Eýropadaǵy quny eń joǵary fýtbolshylardyń tizimi jarııalandy. Búgingi tańda Erlıng Holand («Manchester Sıtı») pen brazılııalyq Vınısıýs Djýnıordyń ózgelerden kóshi ilgeri. Olardyń árqaısysy 200 mln eýroǵa baǵalanyp otyr. Anglııalyq Djýd Bellıngem men fransýz Kılıan Mbappeniń quny – 180 mıllıon. Keıingi sportshylardyń barlyǵy – Madrıdtiń «Real» klýbynyń juldyzdary. Sondaı-aq úzdikter tiziminde myna aıaqdop sheberleri bar: Lamın Iаmal («Barselona») men Fıl Foden («Manchester Sıtı») – 150 mln, Býkaıo Sako («Arsenal») – 140 mln, Florıan Vırts («Baıer»), Djamal Mýsıala («Bavarııa»), Federıko Valverde («Real» Madrıd), Rodrı («Manchester Sıtı») – 130 mln eýro.
