Biraq... ǵımarat qurylysy tolyq aıaqtalmaǵandyqtan, gımnazııa oqýshylary bir jyl boıy qalanyń ár mektepterinde shashyrap júrip oqıdy.
Bul gımnazııa tarıhyna qatysty bir úzik syr bolsa, ekinshisi onyń qalaısha Sáken Seıfýllın esimin ıelengeni týraly.
1994 jyly qazan aıynyń bas kezinde burynǵy Jezqazǵan oblysynda Sáken Seıfýllınniń eskertkishi ashylyp, respýblıkalyq aqyndar músháırasy ótkizildi. Jańaarqa aýdanynda dúrildegen toı ótti. Sol tusta men qalalyq gazettiń basshysy edim. Qala toıǵa daıyndalyp jatty. Biraq toıǵa barǵanda aýyz toltyryp aıtatyn ereksheleý eshteńe baıqala qoımady. Bir kúni «Jańadan ashylyp jatqan gımnazııaǵa nege Sáken esimin bermeske?» degen oı sart ete qaldy. Qalalyq «Qazaq tili» qoǵamynyń tóraǵasy Qoıshybek Toqtamysuly degen aǵamyz ákim-qaralarǵa sózi ótimdi edi. Ol kisi meniń oıymdy qup kórdi.
Táýelsizdikti endi ǵana alyp, áli kóp nárse júıelene qoımaǵan kez ǵoı, kóshe, mektep ataýlaryn ákimder ózderiniń sheshimi arqyly berýge quqyly edi. Qala ákimi Seráli Dosmaǵanbetov degen azamat bolatyn.
Sóıtip, Sákenniń toıyna deıin ákimniń sheshimi shyǵyp, ony qalalyq gazettiń birinshi betine jarııalap ta jiberdik. Bul aqynnyń 100 jyldyǵyna oraı tamasha tartý-taralǵy boldy.
Keıin gımnazııa basshysy Álııa Kámeshqyzymen sóılesip, bilmeıtin kisi sekildenip, «gımnazııaǵa Sáken Seıfýllın esimi qalaı berilip edi?» dep suradym.
«О́z basym gımnazııaǵa Shoqan Ýálıhanovtyń esimin qolaıly kórip júrgen edim. Biraq Qoıshybek aǵamyz qala basshylyǵyna Sáken aǵamyzdyń esimin usynypty, sosyn árıne, biz de maquldap, solaı atalýyn durys kórdik», dedi Á.Sádenova.
Mine, sodan beri de 30 jyl zý etip óte shyǵypty. Sáken esimin qalaı ıelengenin sol gımnazııa ustazdarynyń da, oqýshylarynyń da, bylaıǵy kópshiliktiń de bile júrgeni durys-aý.
Ulytaý oblysy,
Sátbaev qalasy
