Foto: Úkimet
Astana qalasynyń ákimi Jeńis Qasymbek nysannyń daıyndyq deńgeıi jáne megapolıstiń kólik júıesin odan ári damytý keleshegi týraly baıandady.
Búgingi tańda LRT estakadasynyń arqalyqtaryn tóseý kezeńi aıaqtaldy. Ctansalardyń negizgi temirbeton konstrýksııalary qurylysyn 2024 jyldyń sońyna deıin aıaqtaý josparlanyp otyr. Kelesi jyly relsterdi tóseý, stansalardy árleý jáne jyljymaly quramdardy jetkizetin depo qurylysyn júrgizý, Qabanbaı batyr dańǵyly men Qaldaıaqov kóshesi boıyndaǵy estakadalyq bólik abattandyrylady.
Oljas Bektenov qurylys barysynda qoldanylatyn tehnologııalyq sheshimdermen tanysty.
Jobany iske asyrýǵa China Construction Sixth Bureau, Yunnan Construction and Investment Holding Group Co., Longjian Road and Bridge Co., Tianjin Rail Transit Group Co., CRRC Tangshan Co LTD. sııaqty joǵary standarttardy saqtaýymen tanymal qytaılyq jetekshi kompanııalar tartylǵan. Sondaı-aq CRSCInternational, CASCO, HUAWEI Smart Transport BU kompanııalary kólik júıesiniń qaýipsiz ári tıimdi jumysyn qamtamasyz etýde sheshýshi ról atqaratyn baılanys, dabyl jáne avtomattandyrý júıelerin retteýge qatysady.
China Railway Asia-EuropeConstruction Investment qosalqy merdiger kompanııasynyń bas dırektory Chjoý Haıveı ınnovasııalyq tehnologııalar qoldanylyp jatqanyn aıtty. Joba aıaqtalǵannan keıin jeńil relsti jeli boıymen júrgizýshisiz poıyzdar iske qosylady.
«City Transportation Systems» JShS basqarma tóraǵasy Asylbek Dúısebaevtyń aıtýynsha, barlyq qurylys jumystaryn aıaqtap, LRT-ny iske qosý 2025 jyldyń sońyna josparlanǵan. Pılotsyz poıyzdardy synaqtan ótkizý úshin qosymsha 6 aı qajet.
Oljas Bektenov jobanyń sapasy men iske asyrylý merzimderin baqylaýdy kúsheıtý qajet ekenin atap ótti.
«Memleket basshysy elimizdiń kólik júıesin damytýǵa úlken kóńil bólip jatyr. LRT jobasy boıynsha ınfraqurylymdy daıyndaý jóninde qyrýar jumys júrgizildi, qarajat bólindi. LRT elorda turǵyndary men qonaqtaryna qyzmet kórsetedi. Qurylys jumystarynyń qarqyny artyp keledi, ony báseńdetpeý mańyzdy. Joba eń joǵary deńgeıde júzege asyrylýy kerek. Ákimdik pen ortalyq memlekettik organdar tarapynan baqylaý kúsheıtilýi tıis. Nátıjege jumys isteıtin bolamyz», dedi Premer-mınıstr.
