Sýret: ru.freepik.com
«Qazaqtelekom» AQ basqarma tóraǵasy Baǵdat Mýsınniń aıtýynsha, ekojúıeni sapaly ónimsiz damytý múmkin emes. Bizde ony damytýdyń alǵysharttary bar. Máselen, apta basynda Almatyda iske qosylǵan – «Activation Hub» jańa ınnovasııalyq ortalyǵy.
«1 mln tutynýshy áli kúnge eskirgen ADSL tehnologııany, ıaǵnı mys telefon symdaryn qoldanady. Qazir operatordyń aldynda turǵan másele – 3 jyl ishinde 800 myń tutynýshyny mys symdarynan optıkaǵa aýystyrý. Ol úshin 400-500 mlrd teńge qajet. 580 myńǵa jýyq klıenttiń joǵary sapaly ınternetke qoljetkize almaı otyrýynyń sebebi – roýter sapasyna baılanysty. Tutynýshynyń úıine deıin ınternet sıgnaly 512 kbıt/s jyldamdyqpen keledi de, jabdyqtyń kesirinen jyldamdyǵy azaıyp ketedi. Stasıonarlyq telefondardyń symy optıkalyq quraldarmen aýystyrylady. Búkil álem mys tehnologııalaryn optıkalyq tehnologııamen aýystyrýǵa bet burýda», dedi.
О́tken aptada «Kaspi.kz» túrkııalyq «Heriburada» aksııalarynyń 65% -ǵa jýyǵyn satyp alý týraly kelisimge qol qoıdy. Mámile somasy – shamamen 1,13 mlrd dollar.
«Biz Túrkııadaǵy jetekshi elektrondyq kommersııa kompanııalarynyń biri – «Hepsiburada»-men kúsh biriktirý múmkindigine óte qýanyshtymyz. Bizdiń maqsat – naryǵymyzdy 100 mln adamǵa deıin keńeıtý. Mámile aıaqtalǵannan keıin eki kompanııa da óz brendi men operasııalyq qurylymyn saqtaıdy. Qazaqstanda jáne Túrkııada elektrondyq kommersııa men sıfrlyq qyzmetterdi ilgeriletýdi jalǵastyrý úshin «Kaspi.kz» men «Hepsiburada»-da bar biriktirilgen bilim men tehnologııalardy paıdalanamyz», deıdi Mıhaıl Lomtadze.
Aıtýynsha, «Hepsiburada» tartymdylyǵy men jaqsy qurylymdyq kórsetkishteri úshin tańdaldy. Ol sondaı-aq otandyq fınteh-kompanııa servısterdi ázirleýge, dızaın men qoldaýǵa shamamen 200 mln dollar jumsaıtynyn aıtty.
«Freedom Holding Corp» bas atqarýshy dırektory Tımýr Týrlov ártúrli kompanııayyń basyn qosý arqyly ekojúıe qurylyp, olardyń ár salada lıderge aınalǵanyn qalaıtynyn aıtty.
«Men óz komandama biz elimizdegi eń myqty servıske aınalýymyzdyń ózi jetkiliksiz dep aıtamyn. Sebebi bizge neǵurlym jahandyq deńgeıge shyǵyp, álemdik deńgeıdegi kompanııalarmen básekelesý úshin jumys isteý kerek. Jahandaný birinshi kezekte memlekettik shekaralardy jáne ulttyq retteýshilerdiń osy ekojúıeni qandaı da bir dárejede basqarý áreketterin elemeı, sıfrlyq qyzmetter naryǵynda jalǵasyp jatyr», deıdi T.Týrlov.
Aıtýynsha, Derekterdi óńdeý ortalyǵynyń (DО́O) qurylysy jalǵasyp jatyr. Jobanyń qarjylyq quny – 150 mln dollar. Joba 2025 jyly paıdalanýǵa berilmek. Taǵy bir iri joba retinde T.Týrlov Qytaıdan Kaspııge deıin jer ústi talshyqty-optıkalyq kabel ótkizýdi atady. Sonymen qatar qalalar arasyndaǵy respýblıkalyq avtojoldardyń boıynda jeliler tartylyp jatyr. Kompanııa basshysynyń boljamynsha, jer ústi jelileriniń edáýir bóligi kelesi jyly salynady.
ALMATY
