Foto: polisia.kz
Bul oqıǵa polıseılerge áleýmettik jelidegi jazbalardy baqylaý kezinde málim bolǵan.
Kýágerlerdiń vıdeosynda buzaqynyń avtobýstyń esigin teýip, odan keıin pyshaq sııaqty zatty siltep, júrgizýshini qorqytqany baıqalady.
Polıseıler ony ustaý barysynda qalada ornatylǵan beınebaqylaý júıelerine taldaý jasaǵan.
«Oqıǵa 21 qazan tańerteńgi ýaqytta Nazarbaev pen Raıymbek dańǵyldarynyń qıylysyndaǵy qoǵamdyq kólikterdiń sońǵy aıaldamasynda bolǵany anyqtaldy. Ol ustalyp, ýaqytsha ustaý ızolıatoryna ornalastyryldy. Buzaqylyq deregi boıynsha qylmystyq is qozǵaldy. Tergeý barysynda kúdikti men avtobýs júrgizýshisi arasyndaǵy kıkiljiń aıaldama ornynda turǵan kólikke ótip bara jatqan adamnyń miný nıetinen týyndaǵany belgili boldy. Júrgizýshi oǵan eskertý aıtqanda, ótip bara jatqan adam qurylys pyshaǵyn shyǵarǵan. Eshkim zardap shekken joq», dedi Jetisý aýdandyq polısııa basqarmasynyń bastyǵy Jánibek Shynasylov.
